SHAMSHYAN.com-ի տեղեկություններով՝ քիչ առաջ խոշոր ավտովթարի է ենթարկվել Ստյոպա Սաֆարյանը։ Ինչպես հայտնում է ֆոտոլրագրող Գագիկ Շամշյանը, ժամը 13։30-ի սահմաններում Ս. Սաֆարյանը իր վարած Lexus մակնիշի 07 RX 907 համարանիշի ավտոմեքենայով Տավուշի մարզի Ծաղկավան գյուղի վարչական շրջանում դեռևս անհայտ պայմաններում դուրս է եկել երթևեկելի գոտուց և կողաշրջվել։
Գ. Շամշյանի տեղեկություններով՝ բարեբախտաբար, տուժաներ չկան։ Այս պահին դեպքի վայրում աշխատում են ճանապարհային ոստիկանության 2-րդ սպայական գումարտակի 4-րդ վաշտի 2-րդ դասակի ծառայողները՝ հետաքննիչի գլխավորությամբ։
Factor.am-ի հետ զրույցում Ստյոպա Սաֆարյանի քույրը՝ փաստաբան Սեդա Սաֆարյանը նշեց, որ վթարի պահին Ստյոպա Սաֆարյանի հետ նաև իր քաղաքագետ գործընկերներից մեկն է եղել՝ կնոջ հետ: Փաստաբանի փոխանցմամբ՝ վթարի ենթարկվածներին այս պահին արդեն տուն են տեղափոխում:
