08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Զորաց քարեր արգելոցի մոտ գործող առևտրային տաղավարը գործել է առանց պայմանագրի. նախարարի օգնականը մանրամասնում է
Հասարակություն
19.07.2019 | 21:01
Այս պահին ապամոնտաժվում է Զորաց քարեր պատմամշակութային արգելոցի տարածքում տարիներ առաջ տեղադրված տաղավարը: Ըստ Կրթության գիտության մշակույթի և սպորտի նախարարի օգնականի`բետոնային հիմքով առևտրի տաղավարը 2005 թ. մինչև օրս առանց վարձակալության պայմանագրի է գործել:
Factor.am-ը կապ հաստատեց նախարարի օգնական Դավիթ Դանիելյանի հետ, որը իր էջում տեղադրել է կադրեր ապամոնտաժման աշխատանքներից:
Դանելյանը Factor.am-ին փոխանցեց, որ առևտրային կետի տնօրենին` Գուրգեն Վարդանյանին, առաջարկել են ինքնակամ ապամոնտաժել տաղավարը, սակայն նա կտրականապես հրաժարվել է և ստիպված դիմել են ոստիկանությանը, Սիսիանի քաղաքապետարանի և «Պատմամշակութային արգելոց թանգարանների և պատմական միջավայրի պահպանության ծառայություն» ՊՈԱԿ-ին և քանի որ տարածքը պատկանում է հենց ՊՈԱԿ-ին և այսօր արդեն իրականացվում են ապամոնտաժման աշխատանքներ:
Դանիելյանը Factor.am-ին տեղեկացրեց նաև, որ քննարկվում է առևտրային կետի տարածքում հիմնել սպասասրահ և սանհանգույց, այս նախագիծը, սակայն, քննարկման փուլում է:
Լիլիթ Շաբոյան
