17.09.2026 | 23:38
Սամվել Կարապետյանի տնային կալանքը երկարաձգվել է
Նիկոլ Փաշինյանն էլ «բուդկայի» նման սեփականաշնորհել է Սերժի օլիգարխներին. Զարուհի Փոստանջյան. ՏԵՍԱՆՅՈՒԹ
Քաղաքականություն
19.07.2019 | 13:50
Այս մեկ տարվա ընթացքում նոր Կառավարությունն այդպես էլ չմշակեց հստակ բնապահպանական հայեցակարգ, որի բաղադրիչների մեջ է մտնում նաև անտառպահպանությունը։ Այս մասին այսօր լրագրողների հետ հանդիպմանն ասաց «Երկիր Ծիրանի» կուսակցության ղեկավար Զարուհի Փոստանջյանը՝ անդրադառնալով Իջևան քաղաքում տիրող իրավիճակին։
Ըստ Փոստանջյանի՝ հենց այդ հայեցկարգն էլ պետք է հուշեր՝ ինչպես վարվել այն օրինազանցների հետ, որոնք անտառի ծառերը հատում են։
«Չունենալով այդպիսի հայեցակարգ՝ ուղղակի հատվածային մոտեցում է ցուցաբերվում, ինչն էլ նշանակում է, որ այդպես հարցը չի լուծվի։ Մարդիկ հանապազօրյա հաց վաստակելու կարիք ունեն, մյուս կողմից էլ՝ բնապահպանական խնդիրները։ Այս երկու խնդիրներն էլ լուծված չեն»,- ասաց Փոստանջյանը։
Ինչ վերաբերում է տեղի ունեցած բախումներին, ապա, ըստ Զարուհի Փոստանջյանի, իրավապահները գնացել էին ոչ թե խնդրի, այլ հետևանքի հետևից, և անգամ չէին պատկերացնում, թե ինչպես պետք է ուժ կիրառել։
Զարուհի Փոստանջյանն անդրադարձավ նաև վարչապետ Նիկոլ Փաշինյանի՝ օրերս տված հարցազրույցին՝ նշելով. «Նիկոլ Փաշինյանն ասում է, որ Հրայր Թովմասյանը բուդկայի նման սեփականաշնորհել է Սահմանադրական դատարանը: Բայց ինքն էլ «բուդկայի» նման սեփականաշնորհել է Սերժի օլիգարխներին»։
Մանրամասները՝ տեսանյութում։
Շողիկ Գալստյան
