28.11.2024 | 19:30
ՔՊ-ն Եվրաքվեին կարող է կողմ քվեարկել՝ մեր հիմնավորումներով և շեշտադրումներով․ Սոնա Ղազարյան․ ՏԵՍԱՆՅՈՒԹ
Հնդկաստանում հեղեղումների հետևանքով զոհերի թիվը հասել է 55-ի. տարերքի գոտում 5 մլն մարդ է հայտնվել
Քաղաքականություն
17.07.2019 | 17:33
Հնդկաստանի հյուսիսարևելյան Ասսամ նահանգում վերջին օրերին տեղացած հորդառատ անձրևներից առաջացած հեղեղումների գոտում 5 մլն մարդ և 143 գյուղ է հայտնվել։ Այս մասին հայտնում է ՏԱՍՍ-ը։
Ջրհեղեղը վնաս է հասցրել Ասսամի 33 շրջաններից 30-ին։ RBC.ua-ի փոխանցմամբ էլ՝ զոհերի թիվը 55-ի է հասել, մի քանի տասնյակն անհետ կորած է համարվում։
Ավելի քան 150 հազար մարդ տեղափոխվել է ժամանակավոր կացարաններ: Տարհանման աշխատանքները շարունակվում են:
Մուսոնային անձրևներից առաջացած ջրհեղեղի հետևանքով նահանգի 11 գետ դուրս է եկել հունից: Դրանց թվում է Հնդկաստանի ամենամեծ գետը՝ Բրահմապուտրան։
Փրկարարական աշխատանքներին տարերային աղետների արձագանքման ազգային ծառայության 15 ջոկատ և բանակի ստորաբաժանում է մասնակցում: Աշխատանքներին նաև ռազմական ուղղաթիռներ են միացել:
Հորդառատ անձրևներն ու ջրեղեղը վնասել են Ասսամի որոշ ենթակառուցվածքներ, ներառյալ՝ կամուրջներ և ճանապարհներ: Օդերևութաբանների կանխատեսումներով՝ առաջիկա 2-3 օրերին հորդառատ անձրևները կշարունակվեն։
Նելլի Մելքոնյան
