12.11.2024 | 23:27
Գրետա Թունբերգը ժամանել է Հայաստան
Պյոտր Պորոշենկոն հարցաքննության չի ներկայացել
Քաղաքականություն
17.07.2019 | 14:02
Ուկրաինայի նախկին նախագահ և պատգամավորության թեկնածու Պյոտր Պորոշենկոն մինչև հուլիսի 21-ը Ուկրաինայի Հետաքննությունների պետական բյուրո հարցաքննության չի ներկայանա: Այս մասին տեղեկացնում է ուկրաինական «Պրավդա»-ն:
Պորոշենկոյի պաշտպանը երեկ հայտարարել է, որ նախկին նախագահի փաստաբան Իգոր Գոլովանը Հետաքննությունների պետական բյուրոյին ուղղված նամակ է գրել, որտեղ նշել է, որ Պորոշենկոն վկայի կարգավիճակով հարցաքննության կանչվելու վերաբերյալ հրավեր չի ստացել:
Պորոշենկոյի փաստաբանը նաև նշել է, որ նախկին նախագահն այս պահին Կիևում չէ և հնարավորություն չունի հարցաքննության ներկայանալ, քանի որ բավական զբաղված է ընտրությունների հետ կապված գործունեությամբ:
«Եթե հետաքննական գործընթացների համար Պյոտր Պորոշենկոյին հարցաքննելն անհապաղ է, խնդրում եմ դա նշանակել հուլիսի 21-ից հետո»,- գրել է Իգոր Գոլովանը։
Նելլի Մելքոնյան
