30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Պակիստանն ամբողջությամբ վերաբացել է իր օդային տարածքը թռիչքների համար
Քաղաքականություն
16.07.2019 | 18:08
Պակիստանը վերջնականապես վերաբացել է իր օդային տարածքը կոմերցիոն թռիչքների համար: Այս մասին գրում է ՏԱՍՍ-ը՝ վկայակոչելով Hindustan Times-ը: Նշենք, որ այս տարվա փետրվարին Հնդկաստանի հարաբերությունների կտրուկ սրացումից հետո Պակիստանի օդային տարածքը մասամբ փակ էր:
Երկրի քաղավիացիայի վարչությունը հայտարարություն է տարածել օդաչուների համար, որի համաձայն՝ «Պակիստանի օդային տարածքը բաց է քաղաքացիական ավիացիայի բոլոր չվերթների համար՝ օդային երթևեկության ծառայության հետ համաձայնեցված երթուղիներով»:
Պակիստանը կարևոր ավիացիոն միջանցքի կենտրոնւմ է, և օդային տարածքից օգտվելու սահմանափակումներն ամեն օր ազդում են հարյուրավոր կոմերցիոն և բեռնատար չվերթների վրա՝ ուղևորների համար մեծացնելով թռիչքաժամանակը, ավիաընկերությունների համար՝ վառելիքի ծախսը:
Հնդկաստանի օդային տարածքն օգտագործող փոխադրողներն արգելքի պատճառով հարկադրված էին զգալի շրջան կատարել Պակիստանի հետ սահմանակից տարածքի շուրջ:
Թռիչքների սահմանափակումները սահմանվել էին փետրվարի 14-ին Ջամմու և Քաշմիր նահանգում հնդիկ ուժայինների կողմից ավտոշարասյան վրա հարձակման պատճառով, որի արդյունքում ավելի քան 40 մարդ զոհվեց: Նյու Դելին Իսլամաբադին մեղադրեց ահաբեկչության պատասխանատվությունը ստանձնած «Ջաիշ է-Մուհամմադ» խմբավորման զինյալներին սատարելու մեջ:
Փետրվարի 26-ին Հնդկաստանի ՌՕՈՒ-ն օդային հարված հասցրեց Պակիստանի տարածքում այդ խմբավորման ճամբարի ուղղությամբ: Ի պատասխան՝ փետրվարի 27-ին Պակիստանի ՌՕՈՒ-ն հարվածեց Ջամմու և Քաշմիր նահանգում հնդկական ռազմական օբյեկտներին:
