02.09.2026 | 16:51
«Ուժեղ Հայաստան»-ի երեք աջակից մեղադրվում է Ալավերդու կայարանում մեքենավարին հարվածելու և խուլիգանություն կատարելու համար
Իշխանությունը չի կողմնորոշվում՝ ինչ է ուզում․ Տարոն Սիմոնյանը՝ վեթինգի իրականացման մասին. ՏԵՍԱՆՅՈՒԹ
Քաղաքականություն
16.07.2019 | 15:44
Factor.am–ի հարցազրույցը ՀՀ ԱԺ «Լուսավոր Հայաստան» խմբակցության պատգամավոր Տարոն Սիմոնյանի հետ
– Պարո՛ն Սիմոնյան, սպասելի՞ էին Վենետիկի հանձնաժողովի արձանագրության մեջ տեղ գտած գնահատականները։
– Իհարկե՝ սպասելի էին: Թե՛ ես, թե՛ իրավաբան փորձագետների մի ստվար զանգված նույն մեկնաբանություններն ենք տալիս վերջին վեց ամսվա ընթացքում, երբ մեզ այդ թեմաների հետ կապված հարցեր են տրվում։ Այսինքն՝ դա նոր հեծանիվ չէ, իրավաբանները, որոնք մի քիչ ավելի խորն են ուսումնասիրել խնդիրը, նման եզրահանգման են եկել։ Մեղմ լեզու է օգտագործել Վենետիկի հանձնաժողովը, բայց դա նաև ազդակ է, որ չի կարելի իրավաբանության հետ խաղալ։
– Արձանագրության մեջ նշված է՝ իշխանությունն ընդունել է, որ ողջ դատական համակարգում վեթինգ կիրառելու անհրաժեշտություն չկա, արդարադատության նախարարությունն էլ արձագանքեց՝ նշելով, որ հավատարիմ են հռչակած մոտեցումներին։ Ձեր տպավորությամբ՝ ի՞նչ է ուզում իշխանությունը:
– Իշխանությունը, ըստ իս, չի կողմնորոշվում՝ ինչ է ուզում: Ասում են մի բան, հետո անցնում է ժամանակ, անում են այլ բան: Ստեղծում են ակնկալիքներ ժողովրդի շրջանում, որոնք չեն փարատվում։ Ես կոչ կանեի և կխնդրեի, մինչև պատասխանատու հայտարարություններով հանդես գալը, հասկանալ՝ ինչ խնդիրներ կան։
Մանրամասները՝ տեսանյութում:
Շողիկ Գալստյան
