02.07.2026 | 12:16
ՀՀ-ն կդառնա ԵՄ անդամության կարգավիճակ չունեցող առաջին երկիրը, որի նկատմամբ ԵՄ-ն կկիրառի այս գործիքը․ Փաշինյան․ ՏԵՍԱՆՅՈՒԹ
Թուրքիան Կիպրոսի ջրերում բնական գազի պաշարներ է հայտնաբերել
Քաղաքականություն
15.07.2019 | 14:31
Հունական «Fileleftheros» (Ֆիլելևթերոս) թերթի տարածած տեղեկության համաձայն՝ թուրքական «FATİH1» հորատիչ նավը հունական Կիպրոսի Պաֆոս բնակավայրի հանդիպակաց ջրերում իրականացրած հորատման աշխատանքների արդյունքում հայնաբերել է 170 միլիարդ խորանարդ մետր բնական գազի պաշարներ. գրում է ermenihaber-ը:
Հունական թերթում հրապարակված հոդվածում նշվում է, որ Թուրքիան հաջողությամբ է իրականացնում հորատման աշխատանքները և ամենևին մտադրություն չունի հետքայլ անելու։ Զուգահեռ է անցկացվում նաև Թուրքիայի և ԱՄՆ-ի միջև S-400 ՀՕՊ համակարգերի շուրջ ստեղծված իրավիճակի հետ այն առումով, որ Թուրքիան չնայած ԱՄՆ-ի ճնշումներին՝ այդ հարցում էլ հետքայլ չկատարեց։
Եվրամիության կողմից հնարավոր պատժամիջոցների մասին խոսելով՝ հունական թերթը, այնուամենայնիվ, կարծիք է հայտնում, որ Թուրքիան շարունակելու է իր գործունեությունը և արդեն շատ մեծ գումարներ է ծախսել հորատման աշխատանքների համար։
Թուրքիայի արտգործնախարար Մևլութ Չավուշօղլուն ավելի վաղ հայտարարել էր, որ եթե հունական կողմը չհամագործակցի իրենց հետ, իրենք, միևնույնն է, շարունակելու են իրենց գործունեությունը։
Հյուսիսային Կիպրոսի Թուրքական ինքնահռչակ Հանրապետության փոխվարչապետ և արտգործնախարար Քուդրեթ Օզերսայն էլ նշել էր, որ չկա այնպիսի պատճառ, որի համար Թուրքիան դադարեցնի հորատման աշխատանքները։ Ըստ նրա՝ Թուրքիան ապահովում է Միջերկրական ծովի արևելյան հատվածում ուժերի հավասարակշռությունը։
