21.06.2026 | 12:06
Հունիսի 22-ին և 23-ին գազ չի լինելու մի շարք հասցեներում
«Ֆեյսբուք» սոցիալական ցանցը տուգանվել է 5 մլրդ դոլարով
Քաղաքականություն
14.07.2019 | 13:33
Ամերիկյան լրատվամիջոցները հաղորդում են, որ Cambridge Analytica (այս գործով հետաքննվում է անձնական տվյալների փոխանցման ընթացքում կատարված խախտումները) գործի շրջանակներում «Ֆեյսբուք» սոցիալական ցանցը տուգանվել է 5 մլրդ դոլարով. գրում է amerikayidzayn.com-ը:
ԱՄՆ-ի դաշնային առևտրային հանձնաժողովը գնահատական է տվել տեղեկությանն, այն մասին, որ բրիտանական կոնսալթինգ Cambridge Analytica ընկերությունը, խախտելով օրենքը ստացել է 87 մլն. սոցցանցերի օգտատերերի անձնական տվյալները:
The Wall Street Journal թերթը գրել է, որ սոցցանցին տուգանելու համաձայնություն է տվել հանձնաժողովի ադնամների մեծամասնությունը: ԱՄՆ-ն պետք է վերջնական որոշում կայացնի:
«Ֆեյսբուք»-ի նկատմամբ հետաքննությունը ԱՄՆ-ի դաշնային առևտրային հանձնաժողովը սկսել էր նախորդ տարվա մարտին: Պետք է պարզեր՝ արդյո՞ք կազմակերպությունը խախտել է անձնական տվյալների պահելու և պահպանելու համաձայնությունը, այն բանից հետո, երբ Cambridge Analytica-ն տասնյակ միլիոնավոր մարդկանց անձնական գաղտնի տվյալների մուտքի հնարավորություն է ստացել: Cambridge Analytica-ին մեղադրում են անձնական տեղեկատվությունը քաղաքական շրջանակների հաճախորդներին ի շահ օգտագործելու մեջ:
Այն, որ հանձաժողովը հաստատել է «Ֆեյսբուք»-ին տուգանելու որոշումը, հաղորդում է նաև Ռոյթերզը: Եթե տեղեկատվությունը հաստատվի, սա կլինի ամենամեծ տուգանքը, որ երբևէ նշանակվել է տեխնոլոգիական ընկերությանը՝ ԱՄՆ-ի դաշնային առևտրային հանձնաժողովի կողմից:
