13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Ռուդոլֆ Ղևոնդյանը կոմայի մեջ է, չի մահացել
Մշակույթ
14.07.2019 | 12:07
Դերասան, ՀՀ վաստակավոր արտիստ Ռուդոլֆ Ղևոնդյանը կոմայի մեջ է, նա չի մահացել: Այս մասին Factor.am-ին տեղեկացրեց Սունդուկյանի անվան ազգային ակադեմիական թատրոնի լրատվության պատասխանատու Անի Ներսիսյանը:
Հիշեցնենք, որ մի քանի ժամ է հայկական լրատվամիջոցները և բազմաթիվ դերասաններ հրապարակումներ էին կատարում, որ Ռուդոլֆ Ղևոնդյանը մահացել է:
«Ապատեղեկատվությունը չգիտեմ, թե ինչպես է տարածվել և ումից է տարածվել: Իր տղայի՝ Գոռի հետ խոսել ենք, Ռուդոլֆ Ղևոնդյանը կոմայի մեջ պառկած է, չի մահացել: Նա Բելգիայում է, իր տղայի մոտ»,- ասաց մամուլի պատասխանատուն:
Ռուդոլֆ Ղևոնդյանը Սունդուկյանի անվան ազգային ակադեմիական թատրոնի դերասան է: Նա վերջերս կաթված է տարել։
Նարեկ Կիրակոսյան
