03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
2024 թ. և 2028 թ. օլիմպիական խաղերը համապատասխանաբար կընդունեն Փարիզն ու Լոս Անջելեսը
14.09.2017 | 13:13
Սեպտեմբերի 13-ին Պերուի մայրաքաղաք Լիմայում կայացել է Միջազգային օլիմպիական կոմիտեի վեհաժողովը, որի ընթացքում որոշվել են 2024 եւ 2028 թվականների ամառային օլիմպիական խաղերի մայրաքաղաքները:
ՄՕԿ-ի նախագահ Թոմաս Բախը հայտարարել է, որ 2024 թվականին 33-րդ օլիմպիական խաղերը հյուրընկալելու է Փարիզը, իսկ 2028-ին՝ Լոս Անջելեսը.
«Սրանք երկու հզոր պետությունների երկու մեծ քաղաքներ են, որոնք ունեն հսկայական օլիմպիական պատմություն: Երկու քաղաքներն էլ մեծ խանդավառությամբ են մոտենում Խաղերին եւ նպաստում են օլիմպիական ոգու բարձրացմանը»,- ասել է Բախը:
Ե´ւ Փարիզը, ե´ւ Լոս Անջելեսն օլիմպիական խաղերն ընդունելու կրկնակի փորձ ունեն: Ֆրանսիան օլիմպիականներին հյուրընկալել է 1900 ու 1920 թթ, ԱՄՆ-ը` 1932 ու 1984 թթ.:
2020 թվականի 32-րդ ամառային օլիմպիական խաղերը կայանալու է Տոկիոյում:
