«Լեհերը շատ էին զարմանում, որ փող չենք ուզում». Արման Աբովյան․ ՏԵՍԱՆՅՈՒԹ

Լեհաստանից վերադարձած ԲՀԿ-ական պատգամավոր Արման Աբովյանն այսօր հայտարարել է, որ Վարշավա կատարած մեր այցը ցույց տվեց, որ այնտեղ գոյություն ունի ոչ թե տեղեկատվության պակաս, այլ կա բացարձակ խեղաթյուրված տեղեկատվության որոշակի հոսք։ «Տարբեր հանդիպումների ժամանակ ինձ մոտ տպավորություն էր, որ նրանց մոտ 2015  թվականն է եւ այն ինչ կատարվում էր, այն հարցերը, որ տալիս էին, մենք պատվիրակությունով նստած զարմացած իրար էինք նայում եւ հարց էինք տալիս՝ իսկ արդյոք տեղեկությունը որտեղի՞ց։ Պարզ է, որ տեղեկությունների ծագման աղբյուրը ոչ մեկը մեզ չէր ասի, բայց դե մենք ունեինք մեր ենթադրությունները։ Դրա հետ մեկտեղ գոյություն ուներ շատ կարեւոր մի պահ՝ եթե Լեհաստանը վերցնենք որպես ցուցանիշ, մենք ոչ միայն ունեինք մեծ աշխատանքի դաշտ Եվրոպայում, այլեւ մենք ուղղակի պարտավոր ենք ներկա լինել ամեն տեղ, այլեւ ամեն վայրկյան, որովհետեւ հայ ազգի թշնամիները աշխատում են բոլոր եվրոպական կենտրոններում, իսկ Լեհաստանն առանցքային կենտրոն է»։ Դրականն, ըստ Արման Աբովյանի, այն է, որ լեհական կողմը պատրաստ է լսել, ընկալել եւ հետեւություններ անել։ Բայց դա ոչ միայն մեր, այլեւ հայկական այլ գերատեսչությունների աշխատանքն է․ «Վերջ, վերջացավ հանգիստ նստելը»,ասում է պարոն Աբովյանը։ Հայ լեհական խորհրդարանական պատվիրակության ղեկավար Անուշ Բեգլոյանը շարունակում է․ «Կենացների ժամանակն ավարտվեց»։ Ի դեպ, պարոն Աբովյանը հիշեց լեհերի այն զարմանքը, որ հայկական պատվիրակությունն իրենցից փող չէր ուզում։

Մանրամասները՝ տեսանյութում։