15.01.2026 | 19:15
Լիտրը 270 դրամ․ ինչու է հեղուկ գազը օր օրի թանկանում. ՏԵՍԱՆՅՈՒԹ
«Այն տպավորությունը, որ մեր այցերը տուրիզմ են, կեղծ են»․ Անուշ Բեղլոյան. ՏԵՍԱՆՅՈՒԹ
Քաղաքականություն
11.07.2019 | 15:01
«Ես կիսում եմ կարծիքը, որ տարիներ շարունակ մեր արտաքին եւ խորհրդարանական դիվանագիտությունը բացարձակապես ուշադրություն չեն դարձնում հայ-լեհական երկկողմանի հարաբերություններին»,-խորհրդարանում այսօր հայտարարեց ԱԺ «Իմ քայլը» խմբակցության անդամ Անուշ Բեղլոյանը։
Ըստ նրա` հուլիսի 2-ից 4-ը Վարշավայում գտնվելու ընթացքում մեր խորհրդարանականները զարմացրել են լեհերին․ «Մարդիկ չպայմանավորվելով իրար հետ ասում էին, որ հիացած են եւ գոհ են, որ առաջին անգամ իրենք տեսնում են եւ լսում են անկեղծ գործնական զրույց հայկական պատվիրակությունից»։
Տիկին Բեղլոյանը կոչ է անում, որպեսզի մեր խորհրդարանական դիվանագիտությունը հնարավորինս ակտիվ լինի արտաքին քաղաքականության մեջ։
«Այն տպավորությունը, որ մեր այցերը բյուջեի վատնում են կամ տուրիզմ են, էսպես ասած կեղծ են: Ինչքան մենք ակտիվ լինենք և կարծիք ձևավորենք ուղեղային կենտրոնների հետ, այնքան ավելի հեշտ կլինի մեզ համար հետագայում եւ արտաքին դիվանագիտական հարթակներում եւ միջազգային հարթակներում՝ ձեւավորել այն իմիջը Հայաստանի, որը մեզ թույլ կտա լինել առաջատար եւ խուսափել այն ծուղակներից, որը մեզ համար փորձում է ստեղծել ադրբեջանական քարոզչությունը արտաքին աշխարհում»,-ասում է Անուշ Բեղլոյանը:
Մանրամասները՝ տեսանյութում։
