11.07.2026 | 11:33
Ստրասբուրգում քննարկվել են ազատազրկվածների իրավունքների պաշտպանության նոր չափանիշները
Հունաստանում փոթորկի հետևանքով 6 զբոսաշրջիկ է զոհվել
Քաղաքականություն
11.07.2019 | 14:36
Հունաստանի հյուսիսային Խալկիդիկի թերակզղում ուժեղ փոթորկի հետևանքով 6 մարդ է զոհվել, ավելի քան 30-ը՝ վնասվածք ստացել: Այս մասին հայտնում է BBC-ի ռուսական ծառայությունը։
Հունական լրատվամիջոցների տվյալներով՝ բոլոր զոհերը զբոսաշրջիկներ են, որոնք ժամանել էին Չեխիայից, Ռումինիայից և Ռուսաստանից:
Զոհերի թվում են չեխ ամուսիններ, որոնց մեքենան քամու հետևանքով կողաշրջվել է, ռումինացի կին՝ փոքր դստեր հետ, որոնք մահացել են Նեա-Պլագիա քաղաքում ռեստորանի տանիքի փլուզման հետևանքով, ինչպես նաև ռուս հայր ու որդի, որոնց մահվան պատճառը Նեո-Պոտիդեա քաղաքում ծառի տապալումն է:
Դեպքի վայրում ավելի քան 100 փրկարար է աշխատում։ Տեղի իշխանություններն արտակարգ դրություն են հայտարարել։
Խալկիդիկիի Քաղաքացիական պաշտպանության տարածքային ծառայության ղեկավարը հայտարարել է, որ նման տարերային աղետը Հունաստանի համար աննախադեպ երևույթ է:
Նելլի Մելքոնյան
