Հասարակություն
10.07.2019 | 16:13Պայմանները շատ անմիխիթար էին՝ վանդակների խնդիր կար, դեղորայքային համակարգ չկար, համաճարակային սենյակ չկար, իսկ վարակակիր շներին մյուսների հետ նույն սենյակում էին պահում: Այսօր հրավիրված ասուլիսում անդրադառնալով «Թափառող կենդանիների վնասազերծման կենտրոն» ՀՈԱԿ-ի պայմաններին՝ նշեց կենտրոնի նախկին աշխատակից Հրանտ Դավոյանը:
«Ոգևորված էի, որ թափառող կենդանիների հետ կապված ծրագիր է սկսվել: Փորձեցի օգնել, կենտրոնում աշխատանքի անցա, բայց տեսա, որ պայմաններն անմիթար են: Երեք շուն մեկ վանդակի մեջ էին, չկար սառնարան՝ պատվաստանյութերը պահելու համար, առանց ձեռքերը լվանալու վիրահատության էին գնում, շներին անզգայացնում էին՝ առանց կշռելու»,- մանրամասնեց Հրանտ Դավոյանը:
Նա հավելեց, որ այս հարցով քաղաքապետարան է դիմել՝ գրավոր դիմումին նաև լուսանկարներ կցելով:
«Երեկ քաղաքապետարանի ընդունարան եմ զանգահարել և Հայկ Մարությանի հետ շտապ հանդիպում պահանջել, որովհետև սա շարունակելն անիմաստ է»,- նշեց Հրանտ Դավոյանը:
Մանրամասները՝ տեսանյութում:
Նելլի Մելքոնյան
