08.06.2026 | 03:45
Ես բացառում եմ, որ ՔՊ-ն ընտրակեղծարարության մեջ ներգրավված լինի. Փաշինյան․ ՏԵՍԱՆՅՈՒԹ
Քաղաքական մեծամասնությունը խանգարում է, ես գնացի. Մարուքյանն ընդհատեց ելույթն ու հեռացավ ամբիոնից. ՏԵՍԱՆՅՈՒԹ
Քաղաքականություն
10.07.2019 | 11:32
ՀՀ Ազգային ժողովի արտահերթ նիստում «Լուսավոր Հայաստան» խմբակցության ղեկավար Էդմոն Մարուքյանն անդրադարձավ տարածաշրջային իրադրությանը՝ այս իրավիճակում Հայաստանի խորհրդարանում տեղի ունեցող քննարկումները ոչ ադեկվատ որակելով:
«Հարևան Իրանը ԵՄ-ի հետ պայմանավորվածությունները սկսում է փոխել, ԱՄՆ-ն դուրս է եկել այդ գործարքից, տարածաշրջանը լարված է: Վրաստանում տեսնում եք՝ ինչ է կատարվում: Ադրբեջանն ամեն օր պատրաստվում է հարձակվել մեզ վրա: Մի հատ մեր պառլամենտի քննարկումներին նայեք, մեր պառլամենտն ադեկվա՞տ է այս վիճակին: Այս, ինչ կա, ադեկվա՞տ է տարածաշրջանային իրողություններին և մեր խնդիրներին»,- ասաց Էդմոն Մարուքյանը:
Նա կրկին քննադատեց ՄԻԵԴ-ում Հայաստանի ներկայացուցչի մասին օրինագիծը և դրա շուրջ ծավալվող քննարկումները, ինչին «Իմ քայլը» խմբակցության պատգամավորները սկսեցին տեղերից արձագանքել:
Մարուքյանին սա զայրացրեց: «Ես հայտարարում եմ, որ քաղաքական մեծամասնությունը խանգարում է երրորդ խմբակցության ղեկավարի ելույթին, ես գնացի»,- ասաց ԼՀԿ ղեկավարն ու հեռացավ ամբիոնից:
Մանրամասները՝ տեսանյութում:
