18.10.2026 | 16:10
Որակյալ կերերից մինչև մաքրացեղ խոզեր․ «Օջախ Ագրո»-ի առաջարկները․ ՏԵՍԱՆՅՈւԹ
«Հետևանքները բացասական են լինելու». ԱՄՆ-ի զգուշացումը Թուրքիային
Քաղաքականություն
10.07.2019 | 12:09
Ռուսաստանի կողմից առաջիկա օրերին Թուրքիային մատակարարվելիք S-400 զենիթահրթիռային ՀՕՊ համակարգերի պատճառով թուրք-ամերիկյան հարաբերությունները շարունակում են լարված մնալ. գրում է ermenihaber.-ը:
Նախօրեին ԱՄՆ-ի պետքարտուղարությունը Թուրքիային նորից զգուշացրել է, թե ինչ ծանր հետևանքներ կլինեն, եթե ռուսական համակարգերը հանձնվեն թուրքական կողմին։
Հայտարարությամբ հանդես է եկել պետքարտուղարության խոսնակ Մորգան Օրթագուսը՝ նշելով. «ԱՄՆ-ն չի փոխել իր դիրքորոշումը Թուրքիային մատակարարվելիք S-400-ների հարցում։ Եթե ռուս-թուրքական պայմանագիրն ավարտին հասցվի, ապա Անկարայի համար բացասական հետևանքներն անխուսափելի կլինեն»։
Ամերիկացի պաշտոնյան հիշեցրել է, որ կոնգրեսը հավանություն է տվել Թուրքիայի դեմ պատժամիջոցների կիրառմանը՝ CAATSA օրենքի շրջանակներում:
CAATSA – պատժամիջոցների միջոցով Ամերիկայի հակառակորդներին հակազդելու մասին։
Հիշեցնենք, որ Թուրքիայի նախագահ Ռեջեփ Թայիփ Էրդողանն ավելի վաղ հայտարարել էր, որ ռուսական համակարգերը թուրքական կողմին կհանձնվեն մինչև հուլիսի առաջին կեսը։
