11.07.2026 | 10:22
ՀՀ տարածքում ավտոճանապարհներն անցանելի են
Հունաստանի նոր կառավարությունը երդվել է
Քաղաքականություն
09.07.2019 | 18:31
Հունաստանի նոր կառավարությունը երդվել է: Արարողությունը տեղի է ունեցել նախագահական նստավայրում, նախագահ Պրոկոպիս Պավլոպուլիսի ներկայությամբ: Նախարարներն Ավետարանի վրա երդվել են հետևել Սահմանադրությանն ու օրենքներին, ծառայել հույն ժողովրդի շահերին: Այս մասին գրում է ՌԻԱ Նովոստին:
Նշենք, որ նոր կառավարությունը հիմնականում կազմված է փորձառու քաղաքական գործիչներից, որոնք աշխատել են նաև նախորդ կառավարությունների կազմում: 17 հոգանոց նախարարների կաբինետում 5 կին կա:
Կիրակի Հունաստանում տեղի ունեցած արտահերթ խորհրդարանական ընտրություններում, հիշեցնենք, հաղթել է ընդդիմադիր «Նոր ժողովրդավարություն» կուսակցությունը: Արդյունքում երկրի վարչապետի պաշտոնը ստանձնել է կուսակցության ղեկավար Կիրիակոս Միցոտակիսը: Նրա երդմնակալության արարողությունը կայացել է նախօրեին:
«Նոր ժողովրդավարությունը» նախընտրական քարոզարշավի ժամանակ խոստացել է հարկերի նվազեցում, բիզնեսի համար պայմանների բարելավում, ինչպես նաև Հունաստանի բյուջեի համաձայնեցման հարցով բանակցությունների կազմակերպում:
Հավելենք, որ 300 հոգանոց խորհրդարանում Կիրիակոս Միցոտակիսի կուսակցությունը 158 մանդատ է ստացել: Նախկին վարչապետ Ալեքսիս Ցիպրասն արդեն շնորհավորել է Միցոտակիսին:
