29.04.2026 | 12:59
Ձևավորվում է նոր Հարավային Կովկաս. Թուրքիայում ԱՄՆ դեսպանը ողջունել է Գյումրի-Կարս երկաթգծի հարցով ՀՀ-Թուրքիա հանդիպումը
Արծվիկ Մինասյանը՝ Կարեն Կարապետյանի փոփոխությունների սիմվոլ լինելու մասին
Տեսանյութեր
13.09.2017 | 20:43
«Գործող Սահմանադրությամբ, քաղաքական համակարգով, այն համաձայնությամբ, որն առկա է կոալիցա ձևավորելու ուղղությամբ, և նաև՝ Կառավարության ծրագրով, ՀՀ կառավարության բոլոր անդամները մեկ ամբողջություն են»,- այս մասին այսօր ԱԺ-ում ասաց ՀՀ բնապահպանության նախարար Արծվիկ Մինասյանը՝ արձագանքելով մեր հարցին, թե ինչու են ինչպես ՀՀԿ, այնպես էլ ՀՅԴ անդամները, խոսելով կառավարության արձանագրած հաջողությունների մասին, խուսափում ընդգծել վարչապետ Կարեն Կարապետյանի գործոնը:
«Անհատականացնելը նշանակում է՝ մենք խոսում ենք 2018 թվականից ուժի մեջ մտնող այն նորմի մասին, որ Կառավարության յուրաքանչյուր անդամի նկատմամբ պառլամենտը կարող է պաշտոնանկության առաջարկ անել»,- հավելեց Մինասյանը:
Factor.am-ի հիշեցմանը՝ չէ՞ որ Սերժ Սարգսյանն անհատով էր պայմանավորում, երբ հայտարարում էր՝ Կարեն Կարապետյանը լինելու է փոփոխությունների սիմվոլ, Մինասյանը խուսափեց պատասխանել՝ կրկին նշելով, որ իր ղեկավարած նախարարությունն անում է այն, ինչ ամրագրված է ՀՀԿ-ի հետ ստորագրված քաղաքական համաձայնագրում:
Առավել մանրամասն՝ տեսանյութում:
Շողիկ Գալստյան
