13.10.2026 | 23:30
«Կազիմիր Պուլասկի» հիմնադրամի նախագահի հետ քննարկվել են փոխգործակցության հարցեր
Վրաստանում վթարի հետևանքով տուժածներից 3-ն արդեն Հայաստանում են
Հասարակություն
08.07.2019 | 13:05
Վրաստանում՝ Գորիի մոտակայքում տեղի ունեցած վթարի հետևանքով տուժածներից երեքը՝ Մ.Մ. (30 տ.), Լ.Մ. (16 տ.) և Ռ.Մ.(12 տ.) տեղափոխվում են Հայաստան: Վրաստանում ՀՀ դեսպանատան տեղեկացմամբ՝ նրանք արդեն հատել են վրաց-հայկական սահմանը:
Աղբյուրի փոխանցմամբ՝ Լ.Մ.-ն և Ռ.Մ-ն տեղափոխվում են «Սուրբ Աստվածամայր» ԲԿ, իսկ Մ.Մ.-ն՝ «Սուրբ Գրիգոր Լուսավորիչ» ԲԿ։
Ավելի վաղ ԱԻ փոխնախարար Արմեն Հարությունյանն էլ տեղեկացրել էր, որ վթարի հետևանքով տուժած և առավել ծանր վիճակում գտնվող ՀՀ մյուս 2 քաղաքացիները, առողջական վիճակից կախված, Հայաստան կտեղափոխվեն ուղղաթիռով:
Հիշեցնենք, որ հուլիսի 7-ին ժամը 08:10-ին Վրաստանի ՆԳՆ ԱԻ դեպարտամենտից տեղեկություն է ստացվել, որ ժամը 06։00-ի սահմաններում Թբիլիսի-Սենակ-Լեսելիձե ավտոճանապարհի 100-րդ կմ-ին «Mercedes» մակնիշի ավտոմեքենան (վարորդ՝ Ա.Մ., 1977 թ.) բախվել է արգելապատնեշին և բռնկվել։
Ավտոմեքենայից դուրս հայտնաբերվել են Ռ.Հ.-ի (1979 թ.), Ա.Մ.-ի (2008 թ.) և Է.Մ.-ի (2003 թ.) դիերը:
ՃՏՊ-ի հետևանքով տուժածներ Ա.Մ.-ն (1977 թ.), Ռ.Մ.-ն (2006 թ.), Մ.Մ.-ն (1988 թ.), Լ.Մ.-ն (2002 թ.) և Մ.Մ.-ն (2005 թ.) հոսպիտալացվել են Քարելիի և Գորիի բժշկական կենտրոններ:
