14.05.2026 | 21:30
Ահազանգեր՝ բոլոր կողմերից․ ինչ խախտումներ են եղել քարոզարշավի առաջին շաբաթում. ՏԵՍԱՆՅՈՒԹ
Ձորաղբյուրի ամառանոցներում արդեն 2 շաբաթ է՝ ոռոգման ջուր չկա, սա հանցավոր սխեմայի դրսևորում է. ահազանգում ենբնակիչները
Հասարակություն
06.07.2019 | 15:20
Ձորաղբյուրի ամառանոցների մի խումբ բնակիչներ նամակ են ուղարկել Factor.am-ի խմբագրություն, որոմ ասվում է, որ արդեն երկու շաբաթ է, ինչ ջուր չեն տալիս, փոխարենը ՋՕԸ-ն մեկ ցիստեռնը վաճառում է 10 000 դրամով։ Նամակը՝ ստորև.
«Ձորաղբյուրի ամառանոցներում արդեն 2 շաբաթ է՝ ոռոգման ջուր չկա: Ակնհայտ է, որ ամռան տապին ոռոգման ջուր չտալը լրջագույն վնաս կարող է հասցնել ծառերին և թփերին: Սակայն Ձորաղբյուրի ամառանոցներին ոռոգման ջուր հատկացնողներն (այսպես կոչված ՋՕԸ) ունեն ուրույն մտածելակերպ և այս իրավիճակն օգտագործում են բավական շահավետ բիզնես անելու նպատակով:
Տարատեսակ պատճառաբանություններով հիմնավորելով շաբաթներով ջուր չտալը, նրանք այդ նույն ջուրը բնակիչներին վաճառում են ցիստեռններով: Այս ոչ բռնի, թավշյա իրավիճակում ամառանոցի բնակիչներին այլ ելք չի մնում, քան ցիստեռններով ջուր գնելը’ սեփական այգին կործանումից փրկելու համար: 1 ցիստեռն կամ 7 տոննա ջուրը տաղանդավոր ձեռներեցները վաճառում են 10.000 դրամով:
Ձորաղբյուրի ամառանոցների բնակիչները համոզված են, որ ոռոգման ջուր չտալը և այդ ջուրը թանկ վաճառելը հանցավոր սխեմայի դրսևորում է: Հրավիրում ենք Ջրային կոմիտեի և այլ պատկան մարմինների ուշադրությունը, որպեսզի պարզվի, թե ինչպես է Թավշյա հեղափոխությունից հետո հնարավոր, որ Հայաստանում լինի այսպիսի հանցավոր մտածելակերպ և գործելաոճ:
Ձորաղբյուրի ամառանոցների մի խումբ բնակիչներ»
