18.10.2026 | 16:10
Որակյալ կերերից մինչև մաքրացեղ խոզեր․ «Օջախ Ագրո»-ի առաջարկները․ ՏԵՍԱՆՅՈւԹ
Իրկուտսկում ջրհեղեղից զոհերի թիվը 22-ի է հասել, 13 մարդ անհետ կորած է համարվում
Քաղաքականություն
05.07.2019 | 20:02
Իրկուտսկում հորդառատ տեղումների հետևանքով առաջացած ջրհեղեղի հետևանքով զոհերի թիվը 22-ի է հասել։ Այս մասին հայտնում է ՌԻԱ Նովոստին։
Տեղի արտակարգ իրավիճակների ծառայության ներկայացուցիչը հայտնել է, որ հոսպիտալացվել է 340 մարդ, որից 59-ը՝ երեխա։ 13 մարդ շարունակում է անհետ կորած համարվել։
Ընդհանուր առմամբ աղետից տուժած անձանց թիվը երկու հազարից ավելի է։
Կամավորները աղետի շրջանում աշխատանքներ են իրականացնում հումանիտար օգնության կետերում: Տուժածներին տրամադրվել է 70 տոննա սնունդ, 55 հազար լիտր խմելու ջուր և 20 տոննա հագուստ և կոշիկ:
Հիշեցնենք, որ հուլիսի 1-ին Իրկուտսկի վեց քաղաքային շրջանների 55 բնակավայրերում հեղեղումների հետևանքով 3.296 տուն ջրի տակ էր հայտնվել:
Ջրի տակ էր անցել նաև սոցիալական նշանակության 18 օբյեկտ, ինչպես նաև 3.525 այգի:
Աղետի գոտուց 1.161 մարդ էր տարհանվել:
Նշենք, որ Իրկուտսկի մարզում հեղեղումները սկսվել էին դեռ հունիսի վերջին, երբ Իյա գետի մակարդակը բարձրացել էր 7 մետրով: Հունիսի 30-ին ՌԴ նախագահ Վլադիմիր Պուտինը Բրատսկի շրջանում հանդիպում էր ունեցել՝ քննարկելով ջրհեղեղից տուժած շրջանների վիճակը:
Նելլի Մելքոնյան
