10.09.2026 | 18:28
ՊՊԾ-ն հողերի օտարման գործընթացներում խախտումներ և չարաշահումներ է արձանագրել․ որքան վնաս է տրվել պետությանը
Մենք բոլորս այս երկրի սուբյեկտներն ենք. Լևոն Մկրտչյան
Հասարակություն
13.09.2017 | 16:55
«Եկեք հասկանանք, թե երբ պետք է հասունանա այդպիսի հարցը: Ասենք, կարող է մի փոքրիկ վրիպակ լինի, դա հի՞մք է արդյոք»,- այս մասին այսօր խորհրդարանում լրագրողների հետ զրույցում ասաց ՀՀ ԿԳ նախարար Լևոն Մկրտչյանը՝ անդրադառնալով իր հրաժարականի պահանջին:
Նախարարը նկատեց՝ կանոնակարգում է պետք, այլապես ամենուր կունենանք պաշտոնանկություններ:
Հիշեցնենք՝ Հրազդանի քաղաքապետի որդուն ոսկե մեդալ շնորհելուց հետո նման պահանջ է դրել Երևանի ավագանու «Ելք» խմբակցության անդամ Անահիտ Բախշյանը: ԿԳ նախարարն անդրադարձավ նաև ԿԳ փոխնախարար Վահրամ Մկրտչյանի այսօր արած հայտարարությանը, թե` Անահիտ Բախշյանը կրթության փորձագետ չէ:
Փոխնախարարը Բախշյանի մասին խոսելիս ասաց «այդ սուբյեկտը»: Լևոն Մկրտչյանը ևս ընդգծեց. «Մենք բոլորս իրար հետ այս երկրի սուբյեկտներ ենք: Շատ վիրավորական արտահայտություն չի սուբյեկտը»:
Ի դեպ, նախարարը նաև նշեց, որ Վահրամ Մկրտչյանը կրթության համակարգին քաջածանոթ, ակտիվ աշխատող փոխնախարար է:
Մանրամասները՝ տեսանյութում:
Շողիկ Գալստյան
