07.10.2026 | 14:45
Արմավիրի մարզում հրդեհային անվտանգության խախտումների պատճառով 4 գազաբենզալցակայան կապարակնքվել է
ՀՀ նախագահը Վալերի Օսիպյանին, Արթուր Վանեցյանին, Արթուր Դավթյանին, Սասուն Խաչատրյանին և այլոց կոչումներ և դասային աստիճաններ շնորհելու հրամանագրեր է մակագրել
Քաղաքականություն
05.07.2019 | 11:17
ՀՀ նախագահի աշխատակազմից տեղեկացնում են, որ նախագահ Արմեն Սարգսյանը հրամանագրեր է ստորագրել, որով մի շարք բարձրաստիճան պաշտոնյաների կոչումներ ու դասային աստիճաններ են շնորհվել:
Ըստ այդմ՝
Հայաստանի Հանրապետության ոստիկանության պետ, ոստիկանության գնդապետ Վալերիյ Ռազմիկի Օսիպյանին շնորհվել է ոստիկանության գեներալ-մայորի կոչում,
Հայաստանի Հանրապետության գլխավոր դատախազ, արդարադատության առաջին դասի խորհրդական Արթուր Սարգսի Դավթյանին շնորհվել է արդարադատության երրորդ դասի պետական խորհրդականի դասային աստիճան,
Հայաստանի Հանրապետության զինված ուժերի կապի զորքերի պետ-կապի և ավտոմատացված կառավարման համակարգերի վարչության պետ, գնդապետ Թեմուր ՆորիկիՇահնազարյանին շնորհվել է գեներալ-մայորի զինվորական կոչում,
Ազգային անվտանգության ծառայության պետական պահպանության ծառայության պետ, գնդապետ Գրիգորի Ալբերտի Հայրապետովին շնորհվել է գեներալ-մայորի զինվորական կոչում,
Հայաստանի Հանրապետության քննչական կոմիտեի նախագահ, արդարադատության առաջին դասի խորհրդական Հայկ Մկրտիչի Գրիգորյանին շնորհվել է արդարադատության երրորդ դասի պետական խորհրդականի դասային աստիճան,
Հայաստանի Հանրապետության զինված ուժերի գլխավոր շտաբի պետի առաջին տեղակալ, գեներալ-մայոր Օնիկ Վիկտորի Գասպարյանին շնորհվել է գեներալ-լեյտենանտի զինվորական կոչում,
Հայաստանի Հանրապետության ազգային անվտանգության ծառայության տնօրեն, գնդապետ Արթուր Գագիկի Վանեցյանին շնորհվել է գեներալ-մայորի զինվորական կոչում,
Հայաստանի Հանրապետության հատուկ քննչական ծառայության պետ, արդարադատության առաջին դասի խորհրդական Սասուն Մհերի Խաչատրյանին շնորհվել է արդարադատության երրորդ դասի պետական խորհրդականի դասային աստիճան:
Հիշեցնենք, որ հուլիսի 3-ին վերոնշյալ պաշտոնյաներին համապատասխան կոչումներ ու դասային աստիճաններ շնորհելու որոշում էր կայացրել ՀՀ վարչապետ Նիկոլ Փաշինյանը:
