06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
Հունիսի 20-ին առանձին անձինք փորձել են տապալել իշխանությունն ու այն գրավել. Վրաստանի գլխավոր դատախազություն
Քաղաքականություն
04.07.2019 | 21:52
«2019 թվականի հունիսի 20-ի լույս 21-ի գիշերն առանձին անձինք ընդվզման ճանապարհով փորձել են պետական իշխանությունը բռնի ուժով տապալել և իշխանությունն իրենց ձեռքը վերցնել»,- այս մասին հայտարարել են Վրաստանի գլխավոր դատախազության մամուլի ծառայությունից, գրում է Aliq.ge-ն:
Դատախազության պնդմամբ՝ հաստատվել է, որ առաջին փուլով պատրաստվել են հենց Վրաստանի խորհրդարանի շենքը գրավել, ինչին պետք է հետևեին «մի շարք հանցավոր գործողություններ երկրի ողջ տարածքով մեկ»:
«Հանրային բարձր հետաքրքրվածությունից ելնելով՝ տեղեկացնում ենք, որ Վրաստանի գլխավոր դատախազությունում ու ներքին գործերի նախարարության կենտրոնական քրեական ոստիկանության վարչությունում հետաքննությունն ինտենսիվորեն շարունակվում է՝ 2019 թվականի հունիսի 20-21-ին խորհրդարանի մոտ տեղի ունեցած ցուցին խմբակային բռնություն կազմակերպելու, ղեկավարելու և դրան մասնակցելու փաստերով»,- ասվում է հայտարարության մեջ:
