11.12.2024 | 21:29
Օրբանը զանգահարել է Պուտինին․ քննարկվել է ուկրաինական հակամարտությունն ու իրավիճակը Սիրիայում
Նախագահ Արմեն Սարգսյանն ընդունել է մի խումբ բժիշկների
Հասարակություն
04.07.2019 | 19:32
ՀՀ նախագահի աշխատակազմից տեղեկացնում են, որ հանրապետության նախագահ Արմեն Սարգսյանն այսօր ընդունել է Հայկական միջազգային բժշկական հիմնադրամի հիմնադիր նախագահ Սալբի Ագարակյանին, «Էրեբունի» բժշկական կենտրոնի քիթ-կոկորդ-ականջաբանության բաժանմունքի վարիչ, պրոֆեսոր Արթուր Շուքուրյանին և Կալիֆորնիայի UCLA համալսարանի առաջատար օտովիրաբույժ Ակիրա Իշիյամային:
«Նախագահ Արմեն Սարգսյանը շնորհակալություն է հայտնել բժիշկներին, ովքեր երկար տարիներ Հայաստանում արվող բացառիկ վիրահատությունների շնորհիվ իրականացնում են կոխլեար իմպլանտացիա ու վերականգնում խնդիրներ ունեցող երեխաների լսողությունը:
Վիրաբույժ Ակիրա Իշիյաման ընդգծել է, որ իր համար մեծ պատիվ է եղել աշխատել Հայաստանում և օգնել հայ երեխաներին: «Մենք սերտորեն աշխատում ենք Հայաստանի գործընկերների հետ: Իմ նպատակն է ոչ միայն շարունակել համատեղ աշխատանքը՝ օգնելու երեխաներին, բարելավելու վիրահատական որակները, այլև հայկական թիմի հետ իրականացնելու օտոլոգիայի հետազոտական ծրագրեր»,- նշել է նա:
Զրուցակիցները քննարկել են երեխաների լսողության վերականգնմանն ուղղված ներկայիս ծրագրերն ու առաջիկա անելիքները: Նախագահ Արմեն Սարգսյանը պատրաստակամություն է հայտնել աջակցել բժիշկներին երեխաների լսողության վերականգնման կարևոր առաքելության իրականացման գործում»,- ասված է հաղորդագրությունում:
