ԵԽ քաղաքական ուժերը առաջարկել են դադարեցնել Թուրքիա-ԵՄ բանակցությունները

Լուրեր

23.09.2017 | 17:05
«Կարեն Կարապետյանը դեռ պատրաստ չէ այդ ծավալի բեռ իր վրա վերցնել». Խոսրով Հարությունյանը՝ 2018թ-ի վարչապետի մասին
23.09.2017 | 10:39
Քաղաքական երկրաշա՞րժ,  թե՞ հաղթահարելի մարտահրավեր. վաղը Գերմանիայում Բունդեսթագի ընտրություններ են
23.09.2017 | 09:33
Իշխանությունները` մամուլի թշնամի. «Տեղեկատվության ազատության մասին» նոր օրինագիծը լուրջ սահմանափակումներ է դնում. «Ժողովուրդ»
23.09.2017 | 09:27
Պաշտոնական «կռուտիտը» կա, որով փորձում են «թե՛ գայլերին կուշտ պահել, թե՛ գառներին փրկել», այսինքն՝ ոչ վարչապետին գցել, ոչ էլ ԿԳ նախարարին. «ՀԺ»
23.09.2017 | 09:17
Չեխական զենքը Ադրբեջան է հասել ահաբեկչական խմբավորումներին «դիվանագիտական» չվերթներով զենք մատակարարելու շրջանակներում. «Փաստ»
23.09.2017 | 09:08
Ուշագրավ մանրամասներ` ԱԺ-ում բացահայտված կոռուպցիոն սկանդալի մասին. կիզակետում Հրայր Թովմասյանն է. «Ժողովուրդ»
23.09.2017 | 09:04
Ապրիլյան պատերազմի վերաբերյալ 23 գանգատի դատաքննությունը սկսված է. «Փաստ»
22.09.2017 | 20:42
Չինաստանը դեմ է արտահայտվել Հյուսիսային Կորեայի նկատմամբ ԱՄՆ-ի նոր պատժամիջոցներին
22.09.2017 | 20:27
2018-ին Ռուսաստանում կկանգնեցվի Քրիստոսի 33 մետրանոց արձանը
22.09.2017 | 20:09
Իրանը նոր բալիստիկ հրթիռ է ներկայացրել
22.09.2017 | 19:50
«Ալյանս» ազատ տնտեսական գոտում կսկսվի «խելացի դրամապանակների» արտադրությունը
22.09.2017 | 19:31
50-ից պակաս աշխատող ունեցող հիմնարկները ԶԼՄ-ների հարցումներին չեն պատասխանի. նոր նախագիծ
22.09.2017 | 19:12
Հիմնական քաղաքական ուղղվածությունը միտված է եղել կրթության որակի բարելավմանը. ԿԳ նախարար
22.09.2017 | 18:56
Օպերատիվ իրավիճակը հանրապետությունում
22.09.2017 | 18:37
Վերնիսաժի մոտ տեղի ունեցած սպանության դեպքով հետախուզվողներից մեկը հայտնաբերվել է (տեսանյութ)
Բոլորը

Նախորդ շաբաթ Ստրասբուրգում կայացած Եվրախորհրդարանի նիստի ժամանակ ԵԽ-ում ներկայացված քաղաքական ուժերը հանդես են եկել Թուրքիայի հետ բանակցությունները դադարեցնելու համատեղ առաջարկով: Այս մասին տեղեկացնում են թուրքական լրատվական կայքերը. փոխանցում է ermenihaber-ը:

Նիստում Եվրահանձնաժողովի անունից ելույթ ունեցած Յոհաննես Հահնը ուշադրություն  է հրավիրել այն հանգամանքի վրա, որ Թուրքիա-ԵՄ հարաբերություններում հետընթաց է  գրանցվել: Նրա կարծիքով՝ Թուրքիան իր իսկ շահերից ելնելով անհապաղ պետք է քայլեր ձեռնարկի մարդու իրավունքների և որոշ ԵՄ երկրների հետ երկկողմ հարաբերությունների բարելավման ուղղությամբ: Հահնը տեղեկացրել է, որ ամենաուշը 2018թ. գարնանը Եվրահանձնաժողովը կհրապարակի Թուրքիայի վերաբերյալ իր զեկույցը: «Եթե իրավիճակը չփոխվի, ապա առանձնապես մեծ քաղաքական երևակայություն չի պահանջվի՝ հասկանալու համար, թե ինչ գրել զեկույցում», -ասել է նա:

Քրիստոնյա դեմոկրատների (EPP) անունից նիստում ելույթ ունեցած պատգամավոր Քրիստիան Դան Պրեդան առաջարկել է ժամանակավորապես դադարեցնել Անկարայի հետ եվրաինտեգրման բանակցությունները: Նա նաև կարծիք է հայտնել, որ Թուրքիայի համար ԵՄ բյուջեով նախատեսված գումարները պետք է բաժանել Թուրքիայի հասարակությանը:

ԵՄ Սոցիալ դեմոկրատների (S&D) անունից հանդես եկած հոլանդացի պատգամավոր Քեթի Փիրին նշել է, որ բանակցությունները դադարեցնելու մասին ԵՄ-ի որոշումը չի փոփոխվել: Փիրին ընդգծել է նաև, որ անհրաժեշտ է իրարից տարբերակել Թուրքիայի կառավարությունն ու Թուրքիայի հասարակությունը: Նա կողմ է արտահայտվել անդամակցության բանակցությւոնների դադարեցմանը՝ միաժամանակ կարծիք հայտնելով, որ Թուրքիան պետք է շարունակի մնալ թեկնածու երկիր:

Պահպանողական խմբակցության (ECR) անունից ելույթ ունեցած անգլիացի պատգամավոր  Չառլզ  Թաննոքը նշել է, որ Թուրքիան հեռացել է արևմտյան ժողովրդավարական նորմերից, ուստի եկել է Թուրքիայի հետ բանակցությունները դադարեցնելու ժամանակը:

Լիբերալ խմբակցության (ALDE) ներկայացուցիչ գերմանացի պատգամավոր Ալեքսանդր Լաբսդորֆի խոսքով՝ Թուրքիան վաղուց դադարել է համապատասխանել Կոպենհագենի քաղաքական չափանիշներին և առաջարկել Եվրահանձնաժողովին՝ այս հանգամանքը հաշվի առնելով բանակցությունների դադարեցման վերաբերյալ որոշում ընդունել: Լամբսդորֆի կարծիքով՝ եվրաինտեգրման գործընթացն արդեն «մահացել է» և անհրաժեշտ է մտածել Թուրքիայի հետ նոր հարաբերությունների նոր տեսակի մասին:

Միացյալ ձախերի խմբակցության (GUE) ներկայացուցիչ, ֆրանսիացի պատգամավոր Մարիա – Քրիստինա Վերգիատը նույնպես կողմ է արտահայտվել Անկարայի հետ անդամակցության բանակցությունների դադարեցմանը:

Կանաչների խմբակցության անունից ելույթ ունեցած գերմանացի պատգամավոր Սկա Քելլերի կարծիքով՝ չպետք է մոռանալ, որ Թուրքիան Էրդողանը չէ, և Էրդողանը Թուրքիան չէ: Կանաչների խմբակցության համանախագահ Քելլերը նաև առաջարկել է Թուրքիայի նկատմամբ զենքի ամբարգո կիրառել:

Հավելենք, որ հաջորդ ամիս Եվրախորհրդարանը Ստրասբուրքում քվեարկության կդնի Թուրքիա-Եվրամիություն հարաբերությունների վերաբերյալ որոշումը: