09.09.2026 | 11:48
ԱՄՆ-ն հայտնել է իրանական 5 լցանավերի ոչնչացման մասին․ Թեհրանը թիրախավորել է Հորդանանում ամերիկյան ռազմաբազան
Հունվարի 1-ից, ամենայն հավանականությամբ, նվազագույն աշխատավարձը կդառնա 68 հազար դրամ. փոխնախարար. ՏԵՍԱՆՅՈՒԹ
Հասարակություն
04.07.2019 | 12:18
Աշխատանքի և սոցիալական հարցերի նախարարության կարևորագույն առաջնահերթություններից է նվազագույն աշխատավարձի բարձրացմանը հետևելը։ Այս մասին այսօր «Նվազագույն աշխատավարձը կտրուկ աճում է. նախաձեռնության սոցիալական արդյունքները» թեմայով քննարկմանն ասաց ՀՀ աշխատանքի և սոցիալական հարցերի փոխնախարար Գեմաֆին Գասպարյանը։
«Այդ պատճառով մեր աշխատանքի և սոցիալական հետազոտությունների ինստիտուտին պատվիրեցինք հետազոտություն, որպեսզի կարողանա մեթոդաբանությունների հիման վրա մեզ առաջարկել այն բալանսավորված նվազագույն աշխատավարձը, որը մենք կառաջարկենք Ազգային ժողովին»,- մանրամասնեց փոխնախարարը՝ նշելով, որ իրենց հետազոտությունների արդյունքում ստացած թիվը մեկտեղել են ԱԺ իշխանական պատգամավորների՝ նվազագույն աշխատավարձը բարձրացնելու նախագծի հետ։ Ըստ փոխնախարարի՝ հունվարի 1 ից, ամենայն հավանականությամբ, նվազագույն աշխատավարձը կդառնա 68 հազար դրամ։
Հիշեցնենք՝ ՀՀ կառավարությունն օրեր առաջ ընդունեց նվազագույն աշխատավարձը 55 հազար դրամից 68 հազար դրամ դարձնելու մասին նախագիծը։ Թեպետ կառավարող «Իմ քայլը» խմբակցության պատգամավորներն առաջարկում էին 55 հազար դրամից բարձրացնել 63 հազարի, սակայն Կառավարությունը հաստատեց աշխատանքի և սոցիալական հարցերի նախարարության առաջարկած՝ 68 հազար դրամ նվազագույն աշխատավարձի չափը:
Մանրամասները՝ տեսանյութում:
Շողիկ Գալստյան
