30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Եվրախորհրդարանի նախագահ է ընտրվել իտալացի Դավիդ-Մարիա Սասոլին
Քաղաքականություն
03.07.2019 | 16:11
Եվրախորհրդարանը նոր նախագահ ունի. պատգամավորներն այդ պաշտոնում ընտրել են իտալացի Դավիդ-Մարիա Սասոլիին: Նրա օգտին քվեարկել է 345 պատգամավոր: Այս մասին հաղորդում է ՏԱՍՍ-ը:
«Ձայների բացարձակ մեծամասնությունը ստացել է պարոն Սասոլին, նա Եվրախորհրդարանի նոր նախագահն է: Շնորհավորում եմ»,- հայտարարել է Անտոնիո Տայանին՝ խորհրդարանի խոսնակի տեղը զիջելով Սասոլիին:
Դավիդ-Մարիա Սասոլին շնորհակալություն է հայտնել Եվրախորհրդարանի անդամներին աջակցության համար:
Քվեարկության արդյունքներով՝ 160 ձայնով երկրորդ տեղում չեխ խորհրդարանական Յան Զագրադիլն է, երրորդ տեղում՝ գերմանացի Սկա Քելլերը (119 ձայն), իսկ իսպանուհի Սիրա Ռեգոն 43 ձայնով հայտնվել է չորրորդ տեղում է:
ԵԽ կանոնների համաձայն՝ Դավիդ-Մարիա Սասոլին խորհրդարանը կղեկավարի առաջիկա 2.5 տարիներին:
Հիշեցնենք, որ այսօր ավելի վաղ Դավիդ Սասոլիին չէր հաջողվել քվեարկության առաջին փուլով ձայների բացարձակ մեծամասնություն՝ 50%+1 ձայն ստանալ, ինչի արդյունքում քվեարկության երկրորդ փուլ էր հայտարարվել:
