12.11.2024 | 23:27
Գրետա Թունբերգը ժամանել է Հայաստան
Լիբիայում միգրանտների ճամբարի ուղղությամբ ավիահարվածի հետևանքով 40 մարդ է զոհվել
Քաղաքականություն
03.07.2019 | 12:46
Լիբիայի մայրաքաղաք Տրիպոլիի արվարձանում միգրանտների կենտրոնի ուղղությամբ ավիահարվածի հետևանքով առնվազն 40 մարդ է զոհվել, շուրջ 80-ը՝ վիրավորվել: Այս մասին գրում է ՏԱՍՍ-ը՝ վկայակոչելով Reuters-ը:
Կենտրոնի ներկայացուցիչների պնդմամբ՝ ավիահարվածի պատասխանատուն Լիբիական ազգային բանակի ուժերն են՝ ֆելդմարշալ Խալիֆ Հաֆթարի հրամանատարությամբ:
Լիբիայում ներկայում գործում են միջազգային հանրության կողմից ճանաչված Ազգային համաձայնության կառավարությունն ու Աբդալլա Աբդուրահման աթ-Թանի նախարարների ժամանակավոր կաբինետը: Այն գործում է երկրի արևելքում և վայելում է Լիբիական ազգային բանակի աջակցությունը:
Ապրիլի 4-ին Հաֆթարը հայտարարել էր Տրիպոլիի ուղղությամբ գրոհի մեկնարկի մասին:
ԱՀԿ-ի տվյալներով՝ մարտական գործողությունների մեկնարկից ի վեր ավելի քան 750 մարդ է զոհվել, 4.400-ը՝ վիրավորվել:
