15.01.2026 | 22:37
ՀՀ տարածքում կան փակ ավտոճանապարհներ
Մեքսիկայում ուժգին կարկուտի հետևանքով քաղաքի փողոցները սառցակալել են
Քաղաքականություն
01.07.2019 | 21:03
Մեքսիկայի Գվադալահարա քաղաքում ուժգին կարկուտի հետևանքով գետինը սառույցով է պատվել: Այս մասին հայտնում է ՌԻԱ Նովոստին՝ վկայակոչելով Economista պարբերականը:
Սառույցի հաստությունը որոշ շրջաններում ավելի քան մեկ մետրի է հասնում: Այն փակել է ճանապարհի մեծ մասը, ինչի հետևանքով երթևեկությունը կաթվածահար է եղել:
Բազմաթիվ մեքենաներ գրեթե ամբողջությամբ սառույցի տակ են հայտնվել, շատ շենքեր՝ փլուզվել:
«Նման կարկուտ երբեք չէր եղել: Նման դեպք առաջին անգամ է գրանցվում»,- հայտնել է զինվորական հրամանատար Սերխիո Լոպես Լարան:
Diario de Mexico-ի տվյալներով՝ քաղաքը սառույցից մաքրելու աշխատանքներում ներգրավվել են զինվորականներ, քաղաքացիական պաշտպանության ուժերի, ինչպես նաև տեղական քաղաքային մարմինների աշխատակիցներ: Տարածքի 70%-արդեն հաջողվել է սառույցից ազատել:
Նելլի Մելքոնյան
