02.09.2026 | 18:00
Գագիկ Խաչատրյանի փաստաբանները դիմել են ՄԻԵԴ-ին՝ հրատապ միջոց կիրառելու համար․ ՏԵՍԱՆՅՈՒԹ
Քոչարյանի գործով դատախազը պարգևատրվեց ԱԺ նախագահի շնորհակալագրով. ՏԵՍԱՆՅՈՒԹ
Հասարակություն
01.07.2019 | 12:05
Դատախազության օրվան նվիրված միջոցառման ժամանակ ՀՀ վարչապետի և ԱԺ նախագահի կողմից դատախազության մի խումբ ծառայողներ պարգևատրվեցին: Ծառայողական պարտականությունները գերազանց և բարձր պատասխանատվությամբ կատարելու համար ԱԺ նախագահ Արարատ Միրզոյանի շնորհակալագրով պարգևատրվեց ՀՀ գլխավոր դատախազության հատկապես կարևոր գործերով քննության վարչության պետի տեղակալ, արդարադատության 1-ին դասի խորհրդական Կարեն Բիշարյանը:
Նշենք, որ Բիշարյանը ՀՀ երկրորդ նախագահ Ռոբերտ Քոչարյանի և մյուսների գործով մեղադրող դատախազներից է։
Ավելի ուշ լրագրողների հետ զրույցում Կարեն Բիշարյանն ասաց, որ պարգևատրումն իր աշխատանքի գնահատականն է: «Անկախ նրանից, թե ինչ գործով եմ ես ներգրավված եղել, բոլոր գործերով ես աշխատում եմ իմ պարտականությունները պատշաճ կատարել»,- ասաց նա:
Դիտարկմանը, որ գուցե իրեն պարգևատրելը կապ ունի նրա հետ, որ ինքը Քոչարյանի գործով դատախազներից է, Կարեն Բիշարյանն արձագանքեց. «Ամենևին պետք չի փորձել այդ գործի հետ որևէ կապ տեսնել»:
Մանրամասները՝ տեսանյութում:
Նարեկ Կիրակոսյան
