14.12.2025 | 16:13
ՀԱԿ նախագահ է վերընտրվել Լևոն Տեր-Պետրոսյանը
Ռուսաստանի դեմ պատժամիջոցների մասին ԵՄ որոշումը վաղն ուժի մեջ կմտնի
Քաղաքականություն
28.06.2019 | 20:37
Ռուսաստանի դեմ պատժամիջոցները կես տարով երկարաձգելու մասին ԵՄ որոշումը վաղը՝ հունիսի 29-ին, ուժի մեջ կմտնի։ Այս մասին հայտնում է ՏԱՍՍ գործակալությունը՝ հղում անելով երեկ հրապարակված ԵՄ պաշտոնական տեղեկագրին, որտեղ ներկայացված են համապատասխան նորմատիվ ակտերը։
Տեղեկագրում նաև նշված է, որ նման որոշում ընդունվել է 2019թ․ հունիսի 20-21-ը Եվրոպայի խրհրդում Մինսկի պայմանավորվածությունների կատարման մասին Գերմանիայի կանցլեր Անգելա Մերկելի և Ֆրանսիայի նախագահ Էմանուել Մակրոնի ելույթներից հետո։
Նշենք, որ Եվրամիությունը Ռուսաստանի նկատմամբ պատժամիջոցներ 2014 թվականին էր սահմանել՝ կապված Ուկրաինայում տեղի ունեցած դեպքերի և Ղրիմը Ռուսաստանին միացնելու հետ։
Սահմնափակումների շրջանակում դադարարեցվել էին վիզայի ազատականացման, ինչպես նաև համագործակցության նոր պայմանավորվածությունների մասին բանակցությունները։ Բացի այդ, արգելք էր դրվել Ռուսաստանից պաշտոնատար անձանց՝ Եվրամիության անդամ երկրներ մեկնելու վրա, ինչպես նաև սառեցվել էին նրանց ակտիվները, ներդրվել առևտրային, ֆինանսական ու ռազմական բնույթի սահմանափակումներ։
Հիշեցնենք, որ երեկ՝ հունիսի 26-ին ԵՄ անդամ երկրների միաձայն քվեարկության արդյունքում Ռուսաստանի դեմ պատժամիջոցները պաշտոնապես երկարաձգվեցին մինչև 2020թ․ հունվարի 31-ը։
Նելլի Մելքոնյան
