02.09.2026 | 19:43
Վթարային ջրանջատում Երևանի Արաբկիր վարչական շրջանում
Ռուսաստանը Թրամփին հրավիրել է Հայրենական Մեծ պատերազմում տարած հաղթանակին նվիրված տոնակատարությանը
Քաղաքականություն
28.06.2019 | 20:06
Ռուսաստանն ԱՄՆ նախագահ Դոնալդ Թրամփին 2020թ․ մայիսին հրավիրել է Հայրենական Մեծ պատերազմում տարած հաղթանակի 75-ամյակին նվիրված տոնակատարությանը։ Այս մասին հայտնել է ՌԴ նախագահ Վլադիմիր Պուտինի օգնական Յուրի Ուշակովը․ փոխանցում է Lenta.ru-ն։ Նրա խոսքով՝ Թրամփը դրական է արձագանքել։
ՌԴ նախագահի մամուլի քարտուղար Դմիտրի Պեսկովն էլ նշել է, որ մոտակա օրերին ԱՄՆ նախագահին պաշտոնական հրավեր կուղարկվի։
Նշենք, որ 2019 թվականին Մոսկվայի Կարմիր հրապարակում Հայրենական Մեծ պատերազմում տարած հաղթանակի 74-ամյակին նվիրված տոնակատարությանն արտերկրյա ղեկավարներ չէին հրավիրվել, քանի որ Կրեմլից հայտնել էին, թե օրը հոբելյանական չէ։ ՌԴ նախագահ Վլադիմիր Պուտինի մամուլի քարտուղարը հայտարարել էր, որ այլ երկրերի ղեկավարներ հրավիրվում են միայն հոբելյանական տոնակատարությունների դեպքում։
Հիշեցնենք, որ այսօր Ճապոնիայի Օսակա քաղաքում` G20 գագաթնաժողովի շրջանակում կայացել է ԱՄՆ և ՌԴ նախագահների հանդիպումը։
Նելլի Մելքոնյան
