05.06.2026 | 09:40
Արմեն Աշոտյանի մասնակցությամբ Բրյուսովի գույքի գործով 7 անձի ձերբակալելու որոշում է կայացվել․ ՔԿ
Դուք պետք է ստեղծեք այն դաշտը, որտեղ չեն լինի գերիշխող դիրք ունեցողներ. Գևորգ Պապոյանը՝ էդգար Ճաղարյանին․ ՏԵՍԱՆՅՈՒԹ
Քաղաքականություն
28.06.2019 | 12:55
Տարիներ շարունակ Տնտեսական մրցակցության պաշտպանության հանձնաժողովի նախագահ Արտակ Շաբոյանն անընդհատ պնդում էր, որ Հայաստանում մենաշնորհներ չկան, ով ինչ ցանկանում է կարող է ներմուծել, գները նորմալ են, սակայն հեղափոխությունից հետո նույն Արտակ Շաբոյանը զեկույց ներկայացրեց վարչապետ Նիկոլ Փաշինյանին և հայտնեց, որ մեր երկրում մրցակցության ազատականացման շնորհիվ շաքարավազի գինը 390 դրամից իջել է 285 դրամի․ հիշեցնեմ, որ դա նույն Արտակ Շաբոյանն էր, որն ԱԺ ամբիոնից 5 տարի շարունակ պաշտպանել է շաքարավազի 390 դրամ գինն ու մոնոպոլիաները։
Այս մասին այսօր Ազգային ժողովում ՏՄՊՊՀ անդամի թեկնածուի քննարկման ժամանակ ասաց Ազգային ժողովի պատգամավոր Գևորգ Պապոյանը՝ նշելով, որ այդ կառույցի դերը շատ է կարևորում և հույս ունի, որ այլևս այս հանձնաժողովի վրա որևէ ճնշում չի լինելու և հանձնաժողովը կարողանալու է կարգավորել մրցակցության պաշտպանությունը՝ դաշտ բերելով նոր խաղացողներ։
«Դուք պետք է ստեղծեք այն դաշտը, որտեղ չեն լինի գերիշխող դիրք ունեցողները, նրանք կպատժվեն օրենքով սահմանված կարգով»,- ասաց Պապոյանը։
Հիշեցնենք, որ ՏՄՊՊՀ անդամի համար վարչապետ Փաշինյանը երկու տարի ժամկետով առաջադրել է Էդգար Ճաղարյանի թեկնածութունը, որը, ի դեպ, ԱԺ «Բարգավաճ Հայաստան» խմբակցության պատգամավոր Սերգեյ Բագրատյանի հետ հարցուպատասխանի ժամանակ ասաց, որ ինքը դեմ չէ, որ լինեն գերիշխող դիրք զբաղեցնողներ։
Մանրամասները՝ տեսանյութում։
