15.01.2026 | 19:15
Լիտրը 270 դրամ․ ինչու է հեղուկ գազը օր օրի թանկանում. ՏԵՍԱՆՅՈՒԹ
«Դեմ չեմ, որ լինեն գերիշխող դիրք զբաղեցնողներ». ՏՄՊՊՀ հանձնաժողովի անդամի թեկնածուն՝ պատգամավորին․ ՏԵՍԱՆՅՈՒԹ
Քաղաքականություն
28.06.2019 | 12:29
ՀՀ տնտեսական մրցակցության պաշտպանության պետական հանձնաժողովի անդամի թեկնածու Էդգար Ճաղարյանից ԲՀԿ խբակցության պատգամավոր Սերգեյ Բագրատյանն այսօր հետաքրքրվեց, թե ինչ քայլեր պետք է կիրառել մոնոպոլիաների դերի նվազման համար։
«Ի՞նչ եք պատրաստվում անել, որ մոնոպոլիաների դերը նվազի և որևէ տնտեսվարող գերիշխող դիրքը չչարաշահի: Եթե հայտ եք ներկայացնում այդ կառույցում աշխատելու, պետք է հիմնավորված կարծիք կամ որոշում ունենաք այդ խնդրի վերաբերյալ», – ասաց Սերգեյ Բագրատյանը։
Պատգամավորի հարցին ի պատասխան՝ Էդգար Ճաղարյանն ասաց, որ անբարեխիղճ մրցակցության բոլոր դրսևորումները պիտի բացառվեն:
«Ես ինքս դեմ չեմ նրան, որ լինեն գերիշխող դիրք ներկայացնող կազմակերպություններ, դրանք պայմանավորված են տարբեր գործոններով, այսինքն՝ մարդն այդ գործում հաջողվել է, շահույթ քիչ է ակնկալում և արդյունքում դարձել է գերիշխող, բայց հենց գերիշխող դիրք ունեցող կազմակերպությունները պիտի տնտեսական մրցակցության պաշտպանության պետական հանձնաժողովի ամենօրյա տեսադաշտում լինեն, ամենօրյա ուշադրության կենտրոնում, որպեսզի որևէ վայրկյան իրենց գերիշխող դիրքը չչարաշահեն», – ասաց նա։
Մանրամասները՝ տեսանյութում:
