18.10.2026 | 17:42
Ռուբիոն հերքել է Starlink-ի աշխատանքի միտումնավոր դանդաղեցման մասին մեղադրանքները
ԵՄ խորհուրդը Ռուսաստանի դեմ տնտեսական պատժամիջոցները երկարաձգել է
Քաղաքականություն
27.06.2019 | 20:54
ԵՄ անդամ երկրների միաձայն քվեարկության արդյունքում Ռուսաստանի դեմ պատժամիջոցները պաշտոնապես երկարաձգվել են մինչև 2020թ․ հունվարի 31-ը։ Այս մասին հայտնում է ՌԻԱ Նովոստին։
«Նման որոշում ընդունվել է այն բանից հետո, երբ Գերմանիայի կանցլեր Անգելա Մերկելը և Ֆրանսիայի նախագահ Էմանուել Մակրոնը եվրոպական երկրների ղեկավարներին տեղեկացրել են Մինսկի պայմանավորվածությունների իրականացման վիճակի մասին»,- նշված է եղել ԵՄ խորհրդի տարածած հայտարարության մեջ։
Սահմանափակումները վերաբերում են ֆինանսական, էներգետիկ և անվտանգության ոլորտներին, ինչպես նաև կրկնակի նշանակությամբ ապրանքներին։
Դեռ 2015 թվականի մարտին ԵՄ-ն վերոնշյալ ոլորտների գործունեությունը Մինսկի պայմանավորվածությունների մեջ էր ներառել։
Մեկ շաբաթ առաջ էլ ՌԴ նախագահ Վլադիմիր Պուտինն ուղիղ կապի միջոցով հայտնել էր, որ 2014 թվականին հակառուսական պատժամիջոցների ընդունումից հետո Եվրոպան 240 մլրդ դոլարի կորուստ է ունեցել, իսկ Ռուսաստանի տնտեսությունը՝ 50 մլրդ դոլարի։
Նելլի Մելքոնյան
