16.06.2026 | 15:10
«Արարատցեմենտ»-ը կարող է պետականացվել // «Միասնության թևեր»-ը ՍԴ կդիմի․ ԼՈՒՐԵՐ
ԱՄՆ-ը F-35 կործանիչներով չի մասնակցել Թուրքիայում անցկացվող ռազմաօդային ուժերի զորավարժությանը
Քաղաքականություն
26.06.2019 | 20:21
Հունիսի 17-28-ը Թուրքիայի Քոնյա նահանգում անցկացվում է «Անատոլական արծիվ» անունը կրող ուսումնական զորավարժությունը: Միջազգային մասշտաբի զորավարժությանը մասնակցում են ԱՄՆ-ի Իտալիայի, Կատարի, Հորդանանի ու Պակիստանի օդուժերի ստորաբաժանումները. գրում է ermenihaber.-ը:
Զորավարժությունից առաջ թուրքական մամուլում ամենաքննարկվող թեմաներից մեկն այն էր, թե ԱՄՆ-ը արդյոք զորավարժությանը կմասնակցի՞ Թուրքիային այդքան հետաքրքրող F-35 կործանիչներով:
Զորավարժությունից օրեր առաջ պարզ էր դարձել, որ Անկարայի կողմից ռուսական S-400 ՀՕՊ համակարգերի գնման պատճառով ԱՄՆ-ը որոշել էր զորավարժությանը մասնակցելու նպատակով Թուրքիա չբերել 5-րդ սերնդի F-35 կործանիչներ: Փոխարենը շարունակվող զորավարժությանը ԱՄՆ-ը մասնակցում է 6 միավոր F-16 կործանիչով:
Հիշեցնենք, որ ռուսական ՀՕՊ համակարգերի գնման պատճառով վերջին շրջանում թուրք-ամերիկյան հարաբերություններում լարվածությունը գնալով խորանում է: ԱՄՆ-ը տարբեր պաշտոնյաների շուրթերով Թուրքիային բազմիցս զգուշացրել ու շարունակում է զգուշացնել, որ ռուսական S-400-ների գնման դեպքում Անկարան կարող է դուրս թողնվել F-35 կործանիչների համատեղ արտադրության նախագծից:
