05.05.2024 | 19:37
Հակաիսրայելական գործողությունից հետո Իրանի դիրքը բարձրացել է աշխարհում. Ռաիսի
Թուրքիայի 615 պետական պաշտոնյա Գերմանիա է դիմել՝ ապաստանի խնդրանքով
Քաղաքականություն
11.09.2017 | 19:09
2016թ. հուլիսի 15-ի պետական հեղաշրջման փորձից հետո ապաստան ստանալու նպատակով Թուրքիայից Գերմանիային է դիմել 615 պետական ծառայող: Թուրքական «ntv.com.tr» լրատվակայքի տեղեկացմամբ՝ այս մասին գերմանական «Rhein Zeitung» թերթի հետ զրույցում տեղեկացրել է Գերմանիայի ներքին գործերի նախարար Թոմաս դե Մայզիերեն:
Դիմողներից 250-ը ունի դիվանագիտական, 365-ը՝ ծառայողական անձնագիր: Այս տվյալները ներառում են նաև թուրք պաշտոնյաների ընտանիքի անդամներին և վերաբերում են մինչև 2017թ. օգոստոս եղած ժամանակահատվածին:
Հայտնի է նաև, որ մինչև 2017թ. մայիս ապաստանի խնդրանքով Թուրքիայից Գերմանիային էր դիմել դիվանագիտական և հատուկ անձանգիր ունեցող 414 քաղաքացի:
Գերմանիայի ՆԳՆ-ի տվյալների համաձայն՝ ավելացել է նաև ընդհանուր առմամբ Գերմանիայից ապաստան խնդրող թուրքերի թիվը: Այսպես, 2017թ. հուլիսին Թուրքիայից ստացվել է ապաստանի 620 դիմում, հունիսին՝ 433, մայիսին՝ 498: Հուլիսին բավարարվել է այդ դիմումների 22 տոկոսը այն դեպքում, երբ մայիսին դրական պատասխան էր տրվել դիմողների միայն 8.7 տոկոսին:
Օգոստոսին գերմանական «Die Welt» թերթում տեղ գտած տեղեկության համաձայն՝ Գերմանիայից ապաստան խնդրողների մեջ են նաև Թուրքիայի բարձրաստիճան անվտանգության աշխատակիցներ և ազգային հետախուզական ծառայության մեկ բարձրաստիճան ներկայացուցիչ:
Ընդհանուր առմամբ, 2016թ. հուլիսի 15-ից մինչև 2017թ. օգոստոս ապաստանի խնդրանքով Գերմանիային է դիմել Թուրքիայի ավելի քան 6.700 քաղաքացի:
