08.08.2026 | 15:38
Ողջույն Հայաստան. NVIDIA-ի հիմնադիր Ջենսեն Հուանգը շնորհավորել է Firebird-ի ԱԲ գործարանի բացման առիթով
Ընթացքի մեջ են Ստեփանակերտի մարզամշակութային համալիրի կառուցման աշխատանքները
20.06.2019 | 14:23
Ստեփանակերտի նախկին «Օկտյաբր» կինոթատրոնի տեղում շարունակվում է մարզամշակութային համալիրի շինարարությունը:
Այս մասին «Արցախպրես»-ի թղթակցի հետ զրույցում ասել է շինարարական աշխատանքներն իրականացնող «Եվրոստրոյ» ընկերության գլխավոր ինժեներ Տիգրան Ավանեսյանը:
Նրա խոսքով` շուրջ 3500 քմ տարածք զբաղեցնող շինհրապարակում ընթացքի մեջ է երկաթբետոնե կարկասի կառուցման աշխատանքները:
«Շինարարական աշխատանքները մեկնարկել էին դեռևս 2018 թ.-ին: Նախատեսվում է համալիրում ունենալ 800 տեղանոց համերգասրահ` ունիվերսալ դահլիճով, 100 տեղանոց գերժամանակակից թատրոն, բացօդյա ամֆիթատրոն` երիտասարդների համար նախատեսված հանգստի և ժամանցի բոլոր հարմարություններով»,- նշել է Տ. Ավանեսյանը և ավելացրել, որ ծրագիրն իրականացվում է «Հայաստան» համահայկական հիմնադրամի խողովակներով, «Տաշիր գրուպ» ընկերության միջոցներով:
