28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Իրանը հայտարարել է ամերիկյան անօդաչու խոցելու մասին, ԱՄՆ-ն՝ հերքել
Քաղաքականություն
20.06.2019 | 12:17
Իրանի Իսլամական հեղափոխության պահապանների կորպուսը (ԻՀՊԿ) հայտարարել է ամերիկյան անօդաչու թռչող սարք խոցելու մասին: Անօդաչուն խոցել են երկրի հարավային Հորմոզգան նահանգում, գրում է ՌԲԿ-ն:
ԻՀՊԿ-ում հայտնել են, որ խոսքը Global Hawk հետախույզ անօդաչուի մասին է: Թեհրանում ընդգծել են, որ այն ոչնչացրել են Իրանի օդային տարածք մտնելուց անմիջապես հետո:
Ավելի ուշ ԱՄՆ Զինված ուժերի կենտրոնական հրամանատարության ներկայացուցիչը հայտարարել է, որ այն պահին, երբ Իսլամական հեղափոխության պահապանների կորպուսը հայտնել է անօդաչուի ոչնչացման մասին, Իրանի օդային տարածքում ամերիկյան դրոններ չեն եղել:
«Այսօր Իրանի օդային տարածքում ամերիկյան ոչ մի անօդաչու չի եղել»,- նշել են գերատեսչությունում:
Նշենք, որ նախօրեին Պենտագոնը հայտարարեց Իրանի հետ տարաձայնությունների և Օմանի ծոցում երկու լցանավերի պայթեցման ֆոնին Մերձավոր Արևելք 1.000 զինծառայողի ուղարկել: Վաշինգտոնում հաղորդել են, որ տարածաշրջանում զինվորական խմբավորումը կամրապնդվի նաև հետախուզական օդանավերի և անօդաչուների, ինչպես նաև Patriot հակաօդային պաշտպանության համակարգերի հաշվին:
