28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Թրամփը մտորում է, թե ինչպիսի պատժամիջոցներ կիրառի Թուրքիայի դեմ
Քաղաքականություն
19.06.2019 | 15:10
ԱՄՆ-ի ղեկավարությունն ուսումնասիրում է պատժամիջոցների այն փաթեթները, որոնք կարող են կիրառվել Թուրքիայի դեմ: Պատճառը S-400 զենիթահրթիռային ՀՕՊ համակարգերի գնման ռուս-թուրքական գործարքն է։
Բացի այն, որ ռուսական S-400-ների պատճառով ԱՄՆ-ն կարող է այլևս չմատակարարել ամերիկյան F-35 կործանիչներ, Վաշինգտոնն Անկարայի դեմ կարող է կիրառել նաև այլ պատժամիջոցներ: Դրանք ըստ երևույթին մեծ վնաս կհասցնեն թուրքական ռազմարդյունաբերությանը և առհասարակ տնտեսությանը։
Ըստ աղբյուրի՝ ամերիկյան ղեկավարությունն այս պահին հակված է այն տարբերակին, որ Թուրքիայի դեմ սանկցիաներ կիրառվեն CAATSA օրենքի շրջանակներում:
CAATSA – պատժամիջոցների միջոցով Ամերիկայի հակառակորդներին հակազդելու մասին։
CAATSA-ն կկիրառվի այն թուրքական ընկերությունների վրա, որոնք համագործակցում են Ռուսաստանի հետ։
Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, որ Ռուսաստանը Թուրքիային այդ համակարգերը կփոխանցի ընթացիկ տարվա հուլիսի առաջին կեսին։
