18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
Իրավիճակը շարունակում է սրվել Մերձավոր Արևելքում
Քաղաքականություն
18.06.2019 | 22:34
Վաշինգտոնի ու Թեհրանի միջեւ առանց այն էլ լարված իրավիճակն ավելի սրվեց Օմանի ծովածոցում նավթակիր երկու նավերի դեմ իրականացված հարձակումից հետո, ինչի մեջ ԱՄՆ-ը մեղադրում է Իրանին, իսկ վերջինս՝ հերքում մեղադրանքները. գրում է amerikayidzayn.com-ը:
ԱՄՆ-ի Պետդեպարտամենտի խոսնակ Մորգան Օրթագուսն ասում է, թե իրենք ունեն հետախուզության հավաստի տվյալներ այն մասին, որ նավերի դեմ ռումբային հարձակումներն իրականացվել են Իրանի կողմից։ ՝՝Այս հատվածում չկա որեւէ մի միավոր, որն ունենար այդ հմտությամբ գործելու կարողություն՛՛, ասել է նա։
Իսկ Իրանի այն հայտարարությունը, ըստ որի այստեղ հարստացված ուրանի ծավալները շուտով կգերազանցեն պայմանագրով նախատեսված ծավալներին, Պետդեպարտամենտի խոսնակն անվանում է ՝՝միջուկային հափշտակում՛՛ ու կոչ անում միջազգային համայնքին տեղի չտալ այդ հայտարարությանը։ Նրա խոսքերով, Իրանը շարունակ է խախտել պայմանավորվածությունները։
Պետքարտուղար Մայք Փոմփեոն ասել է, որ իր երկիրը կդիմի անհրաժեշտ ամեն մի քայլի, այդ թվում՝ դիվանագիտական ու նույնիսկ ռազմական գործողությունների, թույլ չտալու համար, որ Իրանը ստեղծի միջուկային զենք։
Իսկ ահա ԱՄՆ-ի մի շարք կոնգրեսականներ Թրամփի վարչակազմին են մեղադրում իրադրությունը լարելու մեջ։
Սենատոր Փաթրիկ Լիհին օրինակ ասում է, թե Միացյալ Նահանգներն էր, որ դուրս եկավ կնքված համաձայնագրից, մի համաձայնագիր, որը նրա խոսքերով, միջուկային ծրագրից Իրանին հետ պահելու միջոց էր։
Հարեւան երկրներից Իսրայելը կոչ է անում ուժեղացնել Իրանի նկատմամբ պատժամիջոցները։ Ռուսաստանը, հակառակը, հիշեցնում է, որ միջազգային դիտորդները վերջերս էին եկել այն եզրակացության, որ Թեհրանը լիովին է իրագործում միջազգային պայմանագրով ստանձնած պարտավորությունները։
Իսկ ահա Փոմփեոն հանդիպումներ է անցկացնում զինված ուժերի հրամանատարության հետ՝ քննարկելու համար Մերձավոր Արեւելքում հավելյալ ուժեր տեղակայելու հարցը։ Կա այստեղ ամերիկյան ուժերի թիվը 1ՕՕՕ-ով համալրելու մտադրություն։
