15.06.2026 | 23:06
Աջակցում ենք ընտրությունների արդյունքները չճանաչելու վերաբերյալ քաղաքական ուժերի հայտարարությանը. «Միասնության թևեր»
Եգիպտոսի նախկին նախագահ Մուհամմեդ Մուրսիին հուղարկավորել են Կահիրեում
Քաղաքականություն
18.06.2019 | 12:37
Եգիպտոսի նախկին նախագահ Մուհամմեդ Մուրսիին հուղարկավորել են Կահիրեում: Այս մասին հաղորդում է Reuters-ը՝ վկայակոչելով նրա որդուն՝ Ահմեդ Մուրսիին:
ՌԲԿ-ի փոխանցմամբ՝ երկրի նախկին ղեկավարին հողին են հանձնել ընտանիքի անդամների ներկայությամբ, քաղաքի արևելյան Մադինաթ Նասր շրջանում: Ավելի վաղ Մուսրիի հարազատները տեղեկացրել էին, որ իշխանություններն արգելել են Եգիպտոսի նախկին նախագահին հուղարկավորել ընտանեկան դամբարանում:
Մուհամմեդ Մուրսին մահացել է նախօրեին՝ հունիսի 17-ին, դատավարության ժամանակ: Ելույթ ունենալիս նա ուշագնաց է եղել: Ըստ տեղեկությունների՝ մահվան պատճառը սրտի կաթվածն է:
«Մահմեդական եղբայրներ» կազմակերպությունում, սակայն, իրենց նախկին ղեկավարի մահը «հարյուր տոկոսանոց սպանություն» են որակել՝ դրանում մեղադրելով երկրի գործող իշխանություններին:
