08.11.2026 | 17:40
Երևանում 29-ամյա երիտասարդ է դանակահարվել և մահացել․ կասկածյալը ձերբակալվել է
ԵՄ-ն կարող է որոշ երկրների համար չեղարկել առանց վիզայի ռեժիմը
Քաղաքականություն
17.06.2019 | 15:31
Եթե այն երկրների քաղաքացիների կողմից, որոնց հետ Եվրամիությունն առանց վիզայի ռեժիմ ունի, ապաստան հայցողների թիվն ավելանա, հարկ կլինի հակազդեցության միջոցներ կիրառել: DW-ի փոխանցմամբ՝ այս մասին հայտարարել են Եվրահանձնաժողովում:
Funke խմբի լրատվամիջոցներին տված հարցազրույցում ԵՄ միգրացիայի և ներքին գործերի հանձնակատար Դիմիտրիս Ավրամոպուլոսն ասել է, որ հակազդեցության միջոցները կարող են առնչվել Արևմտյան Բալկանների և Լատինական Ամերիկայի երկրներին:
«Մեր ուղերձը պետություններին, որոնց քաղաքացիներն առանց վիզայի ԵՄ տարածք մուտք գործելու իրավունք ունեն, շատ պարզ է. այդ առավելությունը պաշտպանելը ձեր պատասխանատվությունն է»,- ասել է եվրահանձնակատարը՝ հույս հայտնելով, որ հնարավոր կլինի խուսափել ծայրահեղ միջոցից:
Միաժամանակ, ԵՄ-ում ապաստան փնտրողների թիվը, ընդհանուր առմամբ, նվազել է՝ հասնելով 2014 թվականի միգրացիոն ճգնաժամի սկզբի մակարդակին: 2019թ. առաջին ամիսներին այն շարունակել է անկում ապրել՝ հասնելով 32.400 մարդու. սա 31%-ով պակաս է անցյալ տարվա նույն ժամանակահատվածի համեմատ:
Միգրացիոն գործընթացների աջակցության եվրոպական բյուրոյի (EASO) տվյալներով՝ այս տարվա առաջին չորս ամիսներին ԵՄ-ում ապաստան ստանալու յուրաքանչյուր չորրորդ դիմումը եղել է Եվրամիության երկրների հետ առանց վիզայի ռեժիմի համաձայնագիր ունեցող երկրներից մեկի քաղաքացուց:
