14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
850 հազար դրամ աշխատավարձ է սահմանվել Երևանի աղբահանությամբ զբաղվող կառույցի տնօրենի համար
Տնտեսություն
17.06.2019 | 14:18
Երևանի ավագանին արտահերթ նիստ է հրավիրել: Օրակարգում է նաև «Երևանի աղբահանություն և սանիտարական մաքրում» համայնքային հիմնարկի կառուցվածքի, աշխատակիցների թվաքանակի, հաստիքացուցակի, պաշտոնեական դրույքաչափերի հաստատման նախագիծը:
Նախագծի համաձայն՝ Երևանի աղբահանությամբ զբաղվող այդ կառույցն ունենալու է չորս բաժին՝ ֆինանսական, սանմաքրման կառավարման և համակարգման, աղբահանության կառավարման և համակարգման, ավտոհավաքակայան:
«Երևանի աղբահանություն և սանիտարական մաքրում» համայնքային հիմնարկը, ընդհանուր առմամբ, 424 աշխատակից է ունենալու, կառույցի բյուջեն կազմելու է 96 մլն դրամ:
Ուշագրավ է նաև սահմանված աշխատավարձերի չափը: Մասնավորապես, տնօրենը ստանալու է 850 հազար դրամ աշխատավարձ, տնօրենի տեղակալը և գլխավոր հաշվապահը՝ 650 հազար դրամ: Կառույցում նվազագույն աշխատավարձը 200 հազար դրամ է կազմում:
Հաստիքացուցակին ամբողջությամբ կարելի է ծանոթանալ այստեղ:
Նարեկ Կիրակոսյան
