15.12.2025 | 19:37
Միքայել արքեպիսկոպոսի գործով նիստը մեկնարկեց վերաքննիչում
ԱՄՆ-ն հրթիռակիր ռազմանավ է ուղարկում Օմանի ծոց՝ լցանավերի վրա հարձակումից հետո
Քաղաքականություն
14.06.2019 | 12:41
ԱՄՆ-ն Mason (DDG 87) հրթիռակիր ռազմանավ է ուղարկում Օմանի ծոց՝ լցանավերի վրա հարձակումից հետո: Այս մասին հաղորդել է ԱՄՆ Կենտրոնական հրամանատարությունը (CENTCOM), գրում է ՌԻԱ Նովոստին:
Նախօրեին իրանական և արաբական լրատվամիջոցները հաղորդել էին Front Altair և Kokuka Courageous նավթային լցանավերի վրա հարձակման մասին: Ոչ պաշտոնական տվյալներով՝ հարձակման հետևանքով նավերի վրա պայթյուններ են տեղի ունեցել, հրդեհ է բռնկվել: Front Altair-ի անձնակազմի անդամներին Իրան են տարհանել: Վաշինգտոնը հարձակումների համար Թեհրանին է մեղադրել:
ԱՄՆ Կենտրոնական հրամանատարության հայտարարության համաձայն՝ Kokuka Courageous-ի 21 նավաստիներն ամերիկյան մեկ այլ՝ Bainbridge ռազմանավի վրա են:
«Մենք ԱՄՆ ՌԾՈՒ Bainbridge նավի գործողություններին որևէ միջամտություն չենք հանդուրժի»,- ընդգծել են CENTCOM-ում:
Այստեղ նաև հավելել են, որ Իրանի հետ պատերազմը չի բխում ԱՄՆ-ի և համաշխարհային հանրության ռազմավարական շահերից, սակայն ամերիկացիներն ու նրանց դաշնակիցները պատրաստ են պաշտպանել տարածաշրջանոմ նավագնացության և առևտրի ազատությունը:
