30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ասանժին արտահանձնելու՝ ԱՄՆ-ի հարցումը Մեծ Բրիտանիայի ՆԳ նախարարը ստորագրել է
Քաղաքականություն
13.06.2019 | 19:05
Մեծ Բրիտանիայի ՆԳ նախարար Սաջիդ Ջավիդը ստորագրել է WikiLeaks-ի հիմնադիր Ջուլիան Ասանժին արտահանձնելու՝ ԱՄՆ արդարադատության նախարարության հարցումը: Այս մասին նախարարը հայտնել է BBC-ին տված հարցազրույցում, գրում է ՏԱՍՍ-ը:
«Միացյալ Նահանգների կողմից արտահանձնման հարցում կա, որը դատարանը կքննի վաղը: Երեկ ես ստորագրել և վավերացրել եմ հայցը»,- ասել է ՆԳ նախարարը:
Սաջիդ Ջավիդի խոսքով՝ խոսքը ստանդարտ գործընթացի մասին է, սակայն վերջնական որոշումը պետք է կայացնի դատարանը. «Մենք արտահանձնման հարցում ունենք, և ես ստորագրել եմ այն: Բայց որոշումը, իհարկե, պետք է կայացնի դատարանը»:
Հունիսի 11-ին ԱՄՆ արդարադատության նախարարությունը հաստատել էր, որ Ջուլիան Ասանժին արտահանձնելու պաշտոնական հարցում է ուղարկել Մեծ Բրիտանիա: ԱՄՆ-ում WikiLeaks-ի հիմնադրին 175 տարվա բանտարկություն է սպառնում՝ հաքերային գործունեության համար:
Մայիսի 1-ին Լոնդոնի դատարանն Ասանժին 50 շաբաթվա ազատազրկման էր դատապարտել՝ գրավի դիմաց ազատ արձակման պայմանները խախտելու համար:
