30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Կառավարությունն առաջարկում է փոխվարչապետների հրավերով ՀՀ ժամանած պատվիրակությունների ծախսերը նույնպես փոխհատուցել
Քաղաքականություն
13.06.2019 | 15:57
2005 թվականից ՀՀ նախագահի, ՀՀ վարչապետի, Արտաքին գործերի նախարարի հրավերով Հայաստան ժամանող բոլոր պաշտոնական պատվիրակությունների և միջազգային կազմակերպությունների այցերի հետ կապված ծախսերը փոխհատուցվում են՝ ըստ այդ ծախսերը հիմնավորող փաստաթղթերի։
Կառավարությունն այսօր ընդունեց որոշման նախագիծ, որով առաջարկվում է նաև փոխվարչապետների հրավերով Հայաստան ժամանած պատվիրակությունների և միջազգային կազմակերպությունների ղեկավարների գլխավորած պատվիրակությունների ծախսրը ևս փոխհատուցել։
Նշենք, որ այս նախագիծը մշակվել է վարչապետի աշխատակազմի կողմից։
Համապատասխան որոշման նախագիծն ընդգրկված էր Կառավարության հունիսի 13-ի նիստում՝ չզեկուցող հարցերի շարքում։
Հիշեցնենք, որ Կառավարության կառուցվածքի մասին օրենքի ընդունումից հետո Կառավարության կազմում երեք փոխվարչապետների թիվը մեկով պակասեց և այս փոփոխություններով այսուհետ Տիգարն Ավինյանի և Մհեր Գրիգորյանի հրավերներով Հայաստան ժամանած պատվիրակությունների համար ծախսերը կփոխհատուցվեցն ՀՀ պետական բյուջեից։
