02.07.2026 | 14:43
Իրանը զգուշացնում է ԱՄՆ-ին և Իսրայելին Խամենեիի հուղարկավորության արարողությունից առաջ հարձակումների դեմ
Կառավարությունը կարող է հաշվարկել 1 մլն դոլարի գրանտային ծրագիր՝ Արցախում ժողովրդավարական ինստիտուտների զարգացման համար․ Թևան Պողոսյան․ ՏԵՍԱՆՅՈՒԹ
Քաղաքականություն
13.06.2019 | 13:12
Առաջին անգամ Հայաստանի պաշտպանության նախարարությունը որդեգրեց հանրային ձևով միջազգային հանրությանը տեղեկացնելու հրադադարի խախտման մասին՝ կատարելով իր պատժիչ գործողությունները․ այսինքն՝ մենք ասում ենք, որ եթե պայմանավորվածությունը Ադրբեջանի կողմից խախտվում է, ապա հայկական կողմը ոչ միայն պատժելու է դրա համար հակառակորդին, այլ նաև պարգևատրելու է իր զինվորին։
Այս մասին այսօր «Պաշտոնանկություններ Արցախում. գնահատականներ Հայաստան-Արցախ հարաբերություններին» թեմայով քննարկման ժամանակ ասաց «Մարդկային զարգացման միջազգային կենտրոնի» ղեկավար Թևան Պողոսյանը՝ ընդգծելով, որ անվտանգային մի շարք խնդիրներով պայմանավորված էլ կարող են Արցախում լինել մի քանի կադրային փոփոխություններ։
Պողոսյանի խոսքով՝ կադրային փոփոխությունների մի մասն էլ կապված է 2020 թվականին Արցախում կայանալիք նախագահական ընտրությունների հետ, և եթե կան որոշ թեկնածուներ, որոնք քաղաքական հայտ են ներկայացրել և շատ ավելի շուտ են սկսել իրենց քարոզարշավը, ապա դրանով պայմանավորված էլ կատարվում են որոշակի փոփոխություններ։
«Խնդիրն այլ է, երբ մամուլի միջոցով փորձ է արվում ինչ-որ մանիպուլյացիաների միջոցով քաղաքական դիվիդենտներ շահել, քանի որ մենք գտնվում ենք տեղեկատվական պատերազմների շրջանում»,- ասաց Պողոսյանը՝ ընդգծելով, որ շեշտը պետք է դրվի ոչ թե ներսում իրավիճակների լարման, այլ Արցախում ժողովրդավարական ընտրություններ ունենալու վրա։
«Կարող եմ մի օրինակ առաջարկել՝ ինչու Կառավարությունը չի հաշվարկում 500 000-ից 1 մլն դոլարի չափի գրանտային ծրագիր՝ Արցախում միջազգային դիտորդներ, հայաստանյան ՀԿ-ներ ուղարկելու համար, որպեսզի նպաստեն, որ ժողովրդավարությունն այնտեղ զարգանա»,- ասաց նա:
Մանրամասները՝ տեսանյութում։
